المشاركة الأصلية كتبت بواسطة ولد ثادق

صبحكم الله بالخير

يا اخوااان والله انا متابع لكم بصمت

وارى والله الافضل من المشرفين اقفال المووضوع لانه اصبح ليس له اي فائده

ماعندكم الا مطاق

وبث اشاعات مالها اي داعي

وابي اسالكم وش مستفيدين الحين من كل المشاركات الي راحت بالكثير مافيه الا 10 مشاركات مفيدة
والباقي اخبار واهيه ولا مطاق وبعض الاخوان الله يجزاه خير قالبها دردشة
مايدري ان المنتدى يدخله الااااااف من البشر
فعندي اقتراح افتحوا لكم قروووب وسوولفوا لين تشبعون واذا تبون اسوي لكم القرووب انا مستعد

****************
وبعدين الله يهديكم على ايش مستعجلين على النتائج

اذاا بتدخلوون العسكرية وبيتصروون ضباط ومافيكم صبر مالكم فايدة ابد

بكرة اذا قبلوكم ان شاء الله وخشيتوا الدورة ولعنوا خيركم الطلاب الي بمراحل متقدمة بالكلية قبل الضباط كيف بتتحملونهم

الله يهدييييكم اصبروا اصبروا اصبروا

الكلية ماعندها شغل الا انتم

بعدين كل تاخيره ان شاء الله فيها خيره

ماتدرووون ممكن الي ماخرهم انهم يبون يزيدوون عدد المقبولين بالكلية

واذا علي انا والله ياريت مايعلنونها الا بعد العيد على الاقل نتهنى شوي ونستانس قبل ماننقبل بالكلية
لا تصيرووون طايرييين طايرين صح الواحد يبي يفتك ويعرف مصيره لكن المفرووض يصبر ومايدري وش الخيره

*********

فمن هالساعة وطالع انظبطوا وخلووو عنكم الحركات الي مالها داعي

وطووووولوووو بالكم طولواا بالكم اذا لك نصيب بتدخل الكلية بتدخها غصب عن الكل واذا ملك نصيب منت داخلها لو تسوي الي تسووويه ...


******

محبكم /

ولـــــــد ثـــــــــادق