السلام عليكم ورحمه الله وبركاته :
كيف حالكم يالربع ان شاءالله بخير
وكل عام وانتم بخير <== متاخرهـ
اولا اعتذر عن الغياب وذالكـ بسبب الظروف ويمكن نغيب ثاني لزيارهـ مزايين القبيلة 
وهذي ابيات متواضعهـ عسى ان تنال اعجاب الجميع وبالذات عشاق الشعر
[POEM="font="Simplified Arabic,4,black,bold,normal" bkcolor="white" bkimage="./images/backgrounds/.gif" border="solid,5,black" type=0 line=1 align=center use=ex num="0,black""]
يالله يوم ان الخواطر تكدر = سترك وعفوك وابن آدم تعينه
سر يا قلم واكتب كلام معطر = مبني على كل المعان الثمينه
في حضرة الشخص الكريم الموقر = ومن لا سمع بأذنه يشوفه بعينه
خط كما الحربه سنانه منمر = يجري على العراف مثل السفينه
تقطع بحر لو كان مده تجزر = لو تشلع المرسى تثور المكينه
قلت اتزهب واحترص واتفكر = واجيب علم ما تقصر يدينه
أثبته فالزاج بالدم الأحمر = حيث ان بعض القوم عنده رهينه
العد لا كثرت وروده تغثبر = لا صاروا الجهال هم واردينه
يكشف جباه وماه دوم متعكر = وأنا بهدمه من فلوس الخزينه
أربع جنيهات ذهب كلها صر = أحطها في هدمته واستبينه
الأوله من شان شي تغير = ومتناثر سمن العرب مع طحينه
والثانيه من شان جسم المجدر = واللي يجي يعديه في حال حينه
والثالثه من شان ناس تسبر = وتكشف بيوت عند اهلها حصينه
والرابعه خبزه تجمع بها الذر = السم فيها والعوارف ذهينه
ومن لا رضي بالحق قرصه مقمر = نقمره قدام يصبح عجينه
نسقيك يالعود الخضر لين تثمر = وأثرك ما تنزل عليك السكينه
بالطيب والمعروف والشان نفخر = نبني بها بالعز لبنه وطينه
وعظم الهشاش اليا انكسر ما تجبر = ولا يعدل العايج ولو فيه لينه
والخاطر اللي كان وانه تكدر = يا رب عفوك وابن آدم تعينه[/POEM]
وسلامتكم