السلام عليكم
اخي الحبيب اذا ما لك خيره سابقه في اي مجال تجاري , انصحك بالتريث شوي...
طبعا الشباب كلن نصح وودهم لك الفايده , واجزم انهم مايريدون الا الاجر...
المشكله اللي تواجه كثير من الاخوان انهم يقتبسون مشاريع شغاله وطبعا مربحه , مع تحفظي على فكرة مشروع مربح ومشروح مخسر,,, لان لايوجد مشروع مربح او العكس,,,, ولا ماشفت مشاريع متنوعه ,, لكن مشروع يفشل فيه(ص) ولكن ينجح فيه (س) .

بضرب لك مثل
لو دخلت صالة حديد وشفت واحد من الشباب يرفع وزن 120 كجم ,,,,
هل ممكن تقول واحد رفع وزن 120كجم,,, اجل انا برفع هذا الوزن؟؟؟!!!!
طبعا اخونا هذا ما وصل لرفع وزن 120 كجم الابعد سنتين تقريبا ,, تخللها تمارين عنيفه وانتظام,, وتغذيه جيده , ومكملات غذائيه,,, حتى وصل لرفع هذا الوزن...
فمستحيل ان تبدأ من حيث انتهى هذا الاخ..!!
ففيه مشاريع كثيره تشوفها شغاله ودخلها عالي ,,, ولكنك ماتملك الخبره ولا التجارب اللي يملكها صاحب المشروع اللي اكتسبها من خلال تمرسه وربما اخطاء وخساير,,, فلا تقارن نفسك ,, به,,!!!
انا لا اذكر هذا الكلام ,,, لتكسير المجاديف ولكن يعلم الله اني اذكره ,,,لاخذه في الحسبان,,,
اذا عثر احد امامي لا اغير الطريق ,, ولكني اكون اشد حرصا وتركيزا
.....

اذا حبيت تسوي مشروع قبل دراسة جدواه يجب دراسة جدوى شخصك انت!!!
متابعة المشروع بنفسك وتفرغك له من اكبر اسباب نجاحه بعد توفيق الله.
حاول كحد اعلى ان تستثمر ثلث راس مالك فقط ,,ولا تضع كل راس مالك في مشروعك الاول..!!

فيه مشاريع تضل اصولها في يدك ومثال لها "العقار" وهو استثمار دخل قليل ومخاطره قليله..
الخلاصه..
انصحك ولا ارجو منك الا الدعاء لي
اذا كنت من اهل جده ,, او اي منطقه يوجد بها بيوت شعبيه يمكن تاجيرها بدخل ثابت ,,, ان تستثمر في البيوت الشعبيه..
فيه بيوت شعبيه في جده من 150 الف الى ,,,,,,,
يمكن تشتري بيت في هذه الحدود ,,, او اعلى تقريبا بيت شعبي من 220 الى 250 الف ريال دخله 2200 ريال الى 2500 ريال ...
اذا الله وفقك واشتريت يمكنك تجديد البيت الشعبي (تجديد خفيف) يعني بمبلغ 2500 الى 5000 كحد اعلي
لو فرضنا انك اشتريت بيت شعبي 250 الف ريال.. دخله 2500 او 2700 شهريا,, تجدد البويات الخارجيه , والاناره واذا فيه بعض العيوب الظاهره نفرض كلفك التجديد 5000 ريال يعني تكلفة شراء البيت وع التجديد 255 الف ريال,,
طبعا البيت ماجر وله دخل ثابت شهري...
تقوم بعرض البيت مثلا 285 الف ريال,,,
طبعا انت مابتبيع باذن الله الا بمربح ,,, ولاعندك مشكله دخله ثابت شهريا,, جاء زبون بعد شهر بعد سته اشهر مافيه مشكله,,, ربحان من الدخل ,,, وبتربح باذن الله من المكسب,,, ولا تبيع بخساره,,, وصدقني بيجيه نصيبه..
وصدقني بتلقى صيدات بعض البيوت معروضه 240 ودخله حول 3000 ريال,,,
اعرف واحد من الجماعه شايب هذه شغلته ومعين خير ماشاء الله والبيت مايقعد عند اكثر من سته اشهر,,,وربحان مكسب مبيع ودخل...
ميزة هذا المشروع مايحتاج متابعه الا متابعة المستاجرين مره بالشهر... ومكتب العقار لا تتردد عليه قله اذا جاب البيت السعر المطلوب دق علي,,,,