اقتباس:
المشاركة الأصلية كتبت بواسطة آبو عتب
انا اقصد ونخوك يخرب البيض المشكله لما تبيض الدجاجه تلقى كل بيضه في جهه
مشكله ياخي والله الانتاج ممتاز بس المشكله ما تبرك عليه وكل دجاجه ترمي بيضه في جهه واغلب البيض
يا ينفقع من الدجاجت الثانيه وحنا نبيها تفقس صيصيان مو للأكل
ويعطيك العافيه
|
اولا عزيزي اذا الدجاج ما يقعد على البيض ( يرجن ) يلزمك في ذي الحالة فقاسة تجمع البيض اول باول على الاقل مرة في الصبح ومرة في المغرب . وخصوصا في الصيف .
ثانيا انصحك تحط عند الدجاج اعشاش خشب مثل حقت الحمام بس اكبر شوي ومن طبيعة الدجاج راح يبيض داخل الاعشاش مو في زوايا الغرفة .
ثالثا اذا الدجاج ينقر البيض فمعناه انه ينقص الدجاج كالسيوم وبروتين . في هذه الحالة انصحك بعلف البياض وعندك هالعلاجين الاول Thespophor Oligo وهو عبارة عن سائل مكمل غذائي يحتوي على املاح ومعادن تعوض النقص الحاصل في التعليف . والثاني اسمه Mixodil وهو عبارة عن فيتامينات واملاح ومعادن اخرى واحماض امينية . قيمتهم تقريبا الاثنين مع بعض حول 60 ريال وتكفيك لست شهور تقريبا .
تحط من الاول 2 مليلتر لك لتر موية والثاني 1 مليلتر لكل لتر . يعني تجيبلك جالون ابو عشرين لتر تحط فيه 40 مليلتر من الاول , و 20 مليلتر من الثاني وتعبيه موية وتخضه خض خفيف الين تختلط زين . تحطه ثلاث مرات في الاسبوع تكفي او اسبوع كامل تحطه وموية عادية اسبوعين . وادعيلي . صدقني باذن الله ما راح تلحق جمع بيض الزايد سوي به شكشوكة واعزمني 
.
موفق باذن الله .