السلام عليكم ورحمة الله وبركاته

اخوي بخصوص نصيحة الاخ الغرق في النور كلامه سليم
والحين نهاية موسم ساجر طبعا في الخضار
وراح تبداء مزارع الخرج تورد لسوق بعد العيد ان شاء الله
وفيه ناس تحمل بريالين وبريال على الصندوق على حسب المسافه
وراح تتعب الين تحصل مزارع وبعد ما تحصل ويوثقون فيك راح يدورك الجميع
لان السواقين لاعبين في السوق لعب واهل المزارع مع احترامي لهم مضحوك عليهم
السواق هو الي يبيع وفي حالة باع بعشرين يسجل الفاتوره باقل بريالين وثلاثه واحيانا خمسه
وصاحب المزرعه يصدق السواق اكثر من المؤسسه علشان كذا المؤسسات صارو يدورون طيبة خاطر السواق وسلامتك اهم شي الامانه