انا لاحظت توقيعك فهل انتي للآن ما حصلتي على وظيفه أو على أي عروض اطلاقاً!!! هلا اخوي انا كنت ادرس في معهد وشردت لمن شفت النصب والاحتيال والتزوير في الشهادات وبعدين ماحصلت غير في مستشفة براتب محترم لاكن ما ابغى وظيفة فيها اخطلاط:o لان الخير يخص والشر يعم وانا بنت ناس ما ابغى احد يتكلم على ويقول ليش تشتغل في الليل وكيف اهلها يخلونها تطلع ومن هل كلام الي بيحرمني من ابسط حقوقي وهي الشغل. ولقيت في كم مدرسة خاصة بس رواتبهم ماتكفي حق السواق الي راح يوديني ويجيبني هذا غير الذل الي راح يذوقوني اياة كل يوم. للاسف في مكة مافي وظايف للسعوديات ابدا. الحمد لله شهاداتي كثيرة وانا من الناس الي يطورون في نفسهم. اتكلم لغتين بطلاقة ولغتين متوسط وجيد والحمد لله. افهم في كلش واتعلم بسرعة بس وين الي يعطونا وجة علشان نبدع. كل وظايف البنوك والحكومية يبيلها واسطة وانا واسطي الله. انا حالين عاطلة زي اي عضو في هل منتدى اقشر بصل كل يوم الين ربي يفرجها واهاجر بلا رجعة