اقتباس:
المشاركة الأصلية كتبت بواسطة sss2023
سعودي 100%
|
أخوي أول شي مسيت بالرضا والسرور ...
ثاني شيء /
إنت تقول سعودي 100 % ، طيب ياسعودي يامُجتهـِد إنت يآللي تكد ومدري وشو ..
حبيبي بدال ماتزيد وتدعم معنويات الاخ صاحب الموضوع ، تجي تتفلسف وتقول سعودي 100 % ..!
أنا ماعرف ظروف هالشخص .. لكن أنا تربيت في بيئـه جيده نوعاً ما .. يعني لو يقولون لي أبسط على بسطه خضار وفواكه في الحيّ ، والله العظيم لـ أتردد ونسبه كبيره جداً إني ماأوافق عليها ..!
لا تقول لي { الشغل مو عيب } ، انا أدري ان الشغل مو عيب ، في أياً كان العمل ، ولكن شي مو متعود عليه ولا مارسته وتأكد إن بعض ضعاف النفوس في بداياتك في البيع والشراء والبسطه وهكذا ، ب يحطمونــــــــــك .. ويتكلمون عليك ، ويقولون النون ومايعلمُون ..
والانسان ضعيف .. انا مااني مستحي اني فاتح لي بسطه أو خجول من نظرة الناس لي ، بالعكس الانسان الفاهم العاقل ، ب يدعمك ويشجعك تستمر اكثر واكثر ..
لكن عشان ماتتعب نفسيتك ولا تتحطم من كلام واحد سفيه وجاهل ، قوّي ثقتك في نفسك في هذا المجال و زيدها ، ابدأ البيع في مدينه غير مدينتك ، أو حيّ بعيد عن حيّك اذا كنت تخجل من كلام الناس والمغفلين .، لين تصير شغله عاديه بالنسبه لك ، في ذا الوقت ابسط على باب بيتك لو تبي ، مايهمك كلام الجهال لان ثقتك في نفسك قويه ..
كلامي هذا لي ليس موجه للكُل ، فقط للذي لديه الهمّه والعزيمـه ، ولكن يمنعه الخجل في بداياته ،
هذا ماعندي وصلى الله وبارك على نبينا محمد عليه افضل الصلاه وأتم التسليم .. 