يعطيكم العافيـه كلكم ..

واباشارككم بطبق حلا (^_^)

طبعا اذا بسوي حلا اسويه من الليل لان بالنهار الوقت مايسعفني والنوم غلاب


الحلا اسمه [[ حلا الماركه ]]


المقادير :: 5 حبات جالكسي ساده + 4 حبات اوريو بالشوكلاته + شعيريه باكستانيه وشوي زبده

+ كاس حليب سايل + حليب مركز ثلاث ارباع العلبه

الطريقـــــــه ::

اول شي .. ذوبي الجالكسي بحمام مائي

ثاني شي .. احمسي الشعيريه الباكستانيه بالزبده بعد ماتكسرينها صغار مره واحس شي تكسرينها بالخلاط عشان تكون ناعمه مره

ثالث شي .. كسري الاوريو وحطي عليه كاس الحليب على النار لحد مايذوب وصير مثل العجينه


والحين ابتدي بالخطوات ..

هاتي الكاسات الصغيره الورق حقت القهووه وبالملعقه الصغيره حطي بكل كوب الجالكسي الي ذوبتيه

وبعدين ادخلي الاكواب بالفريزر تقريبا عشر دقايق وتجمد

وبعدين طلعيها وضعي الطبقه الثانيه من الشعيريه المخلوطه مع الحليب المركز ورصيها بالملعقه على طبقه الجالكسي

واخر طبقه من عجينه الاوريو هالخطوه تجنن متعه مره وانتي تحطين الاوريو (^_^)

وادخليها الفريزر تجمد

وبعدين طلعيها شققي الاكواب من الطرف وطلعي الحلا وحطيه بصحن التقديم

وسوري شي طبيعي تكون الاكواب معفوسه ومنظرها محيوس اثناء الاعداد

بس اهم شي النتيجه بعد ماتطلعين الحلا منها يكون مررتب

وبالعافيــــــــــــه على قلوبكـــــم

واخليكم مع االصور


مدري وش فيها الصور كل ماارفعها واسوي معاينه ماتطلع ؟؟!!

عموما هذي الطريقه وبااحاول بالصور وارجع احطها