اقتباس:
المشاركة الأصلية كتبت بواسطة حلمي جندي
ههههههههههههههههههههههههههههههه 
شكلك تهاوشت معهم عطني علومك كلها لية نقصو طولك 
وعفاااااااااااااااااك |
والله ياطويل العمر رحت لهم الساعه 8 المهم واجي ويمكن اللي صافين خمسين واحد واشوف العالم والله اغلبهم قزمان وانا اقول الحمد لله اني طويل وانا اضحك عليهم المهم مالك بالطويله والله ودخلونا جو وجانا ظابط قال يالربع اكثركم يسئلون عن الكشف والاجراءت اليوم مافيه الا طول ووزن وبعدين انتظرو رساله على الجوال المهم حنا جالسين داخل وقال لنا وكيل رقيب كل واحد يكتب على اوراقه المنطقه اللي يبي يكشف فيها القصيم او الرياض او الخرج ورقم الجوال وهو قاعد يدبس الاوراق والله وصل السراء عندي واروح عند ملازم اول وانزل الشماغ وارفع الثوب لين الركبه شوي قال الملازم ماودك تريح قلت انا مريح المهم وقال للظابط الثاني طوله 167.50 قلت تاكد يابو الشباب قال انثبر قلت ابشر ياطويل العمر
والله بس ظلم نقص من طولي 2 سانتي اصلا هم متعمدين يبون ناس طولهم 170 وعليها واللي اقل الله يخلف عليه والوزن نقص بعد ماافرقت لان وزني 60 وحط 56.50 والله امتحنا بهاذا النص والله وقال انتظر رساله حتى اللي طويل قاله انتظر رساله ولاختم ولاشيء بس توقيع
قلت يمكن على شان الزحمه يبون يخففون لان يوم السبت في ناس جلسو لين الفجر وهم ماتسحور
وعلى شان كذا اللي مقبول يدقون يرسلون عليه
المهم طلعت وانا طفشان واشغل الددسن وافحط على جندي اول كان في الدوريه واشغل المسجل والا واسمع خلف السوار اقضي بقيه حياتي وقلت عز الله ان صادق الفنان المهم فكرت اسوي جريمه على شان اقضي بقيه حياتي خلف السوار 
ههههههههههههههههههههههههههههههه
هاذا ومن قد العلوم وسلامـــــــــــــتــــــــــــــــــك 
بـــــــــــــــــــــــأنــــــــــــــــــــد