اقتباس:
المشاركة الأصلية كتبت بواسطة سلا قلبي
مشكوره اختي الله يجزاك خير
ممكن توضحين وش يقصدون بكلمهم هنا
لا يعني حصولك على شهادة إتمام الدورة التأهيلية قبولك في أحد تخصصات الانتساب المطور أو الجامعة، إذا كان مؤهلك الثانوي ليس من الشهادات التي تقبلها الجامعة.
واذا لا سمح الله ما نجحت في الدوره وش بيصر ؟؟
يعطيك الف عافيه
|
وياك أخوي .
قصدهم أن إذا شهادة الثانويه حقتك من هذي الثانويات اللي غير معتمده عندهم تعتبر غير مقبووووووول حتى لو سجلت في الدورة التأهيليه وأجتزتها بنجاح لأن من المؤهلات اللي هي مطلوبه في الشهادة الثانويه هي :
مؤهلات الثانوية المقبولة في نظام الإنتساب المطور:- جميع مؤهلات الثانوية العامة تقبلها الجامعة في نظام الانتساب المطور بتخصصاتها المختلفة ( علمي وأدبي، تحفيظ القرآن، تجارية, علوم طبيعية، علوم شرعية)
- المعهد العلمي
- الثانوية الصناعية
- الثانوية الصحية
- الثانوية الزراعية
- ثانوية المراقبين الفنيين
- وكذلك المنسحبون و المطوية قيودهم من الدراسة الجامعية بدون اشتراط مضي مدة محددة عليهم.
وذكروا برضو المؤهلات الغير معتمده عندهم وغير مقبوله وتلقاه على هذا الرابط .
http://www.imamu.edu.sa/support_deanery/e_learn/access_to_e-learn/Pages/qualifying_session.aspx
من ناحية إذا ما نجحت في الدورة بأن رسبت في مادة من المواد بعيد الشر يضيع عليك الترم كله وتنتظر الترم الجاي كله عشان تختبر هالماده لأن من شروطهم ما تتخصص حتى تجتاز الدورة بنجاح ( أهم شي تنجح ولا يفكرون بالمعدل لأنها غير محسوبة من ضمن معدلات المستويات ) يبدأ إنحساب المعدل إذا تخصصت بحول الله ..
حاول تشد حيلك لأن فيه مجموعه رسبت في ماده واحده فقط وراح عليهم الترم كله وعليهم ينتظرون الترم كامل حتى يختبرون مع المختبرين في نهاية الترم بسبب ماده ومع دفع رسوم 100 ريال لكل ماده ..
وللعلم الدورة سهله جداً جداً .
بالتوفيق ..