طويل العمر ..

الخضار والفاكهه .. تعتمد على نشاط صاحب المحل .. بمعنى

انت انسان بتطلع من قبل الفجر تجيب البضاعه .. وتقوم على مشتراها بنفسك

عز الله انك بتكسب رزق طيب .. رجال راعي نوم .. وتنتظر موزع يجيلك المحل ربحك قليل جدا ومب جايب همه

هذا اذا ماخسرت حتى ..

المهم الموقع يكون قريب من حواري اغلبهم عوائل الشي الثاني توزع استكرات على ابواب البيوت القريبه

من المحل يعني ثلاث او اربع شوارع من كل جهه من محلك فيها رقم المحل او جوالك .. وتجيب واحد يوصل

وحاول قدر المستطاع تكسب زباينك اللي حواليك في الحواري لانهم هم الضمان بعد الله في استمراريتك ..

جب لك عامل خله ينظف المحل ويوصل طلبات وانت استلم الادارة .. وحتى اذا منت متفرغ بعد ماتجيب البضاعه

الصبح اجردها عليه وعلمه الاسعار كم وهذي تعتمد على درايتك في الاسعار وانصحك بالكسب القليل بداية

يعني تفرق عن السوق لو ريال واحد تكون لك قاعده ...

والله يوفقك ويرزقك الرزق الحلال اللي يرضيك ويقر عينك ..

الاهم تأكد من البلدية قبل انك تستاجر المحل هل المحل يقبل بنشاط خضار وفواكه او لا قبل لاتدفع الاجار خذ

كروكي للموقع ورح لاقرب بلدية منك وورهم الكروكي ونوع المشروع وهم يقولون لك هل يسمح به او لا

ختاما ......

ماهذه الا وجهة نظر شخصية .. تحتمل الصواب والخطأ

الله يوفقك ويدلك للافضل

اخوك