بالنسبه لي انا شطبت على المدارس الاهلية اول شي طالبات كثير ونصاب حصص فوق مقدرتك بعدين تركتهم ورحت لمدرسه ثانيه اصغر قلت يمكن اخف في النصاب .. ايه كان اخف في النصاب بس اول ماجيت المدرسه قالولي المعلمات ترا المديره ماتخلي معلمه الاقتصاد اوالفنيه اكثر من سنه يعني غيرك جو بس سنه اشتغلو ثم طردتهم .. انا طبعا قلت يمكن كلام معلمات .. المهم كنت شاده حيلي في المدرسه والمشرفه كانت مبسوطه مني وعطتني امتياز .. المديره كانت في البدايه الترم الاول كان شحليلها معي بس يوم جا الفصل الثاني قلبت خشتها علي كأني ذابحه احد من اهلها .. انا عرفت انها بدايه تطفيش .. المهم كملت معهم والحمد لله كنت محبوبه من الجميع من المعلمات والطالبات والمشرفه .. بس المديره هي اللي موش نازلالي من زوور مدري انا اللي موش نازلالها من زوور المهم يوم جا اخر السنه وانا بطلع سلموني ظرف قبل ما اطلع من المدرسه يوم رحت للبيت فتحته معطيني الخبره وكاتبين اننا استغنينا عنك تدرون ليه المديره تستغني عن معلمات الفنيه والاقتصاد .. لأنها ماهمها تجيها معلمه معها خبره والا معلمه كويسه اهم شي انها كل سنه تجدد في معلمه الفنيه والاقتصاد علشان مايزيد راتبها يبقى على ماهو عليه 1500 ولا يحسبون الخبره اللي معك يعني لما جيتهم كان معي خبره من مدرسه اهليه قبل قلت ليه ماتزيدون راتبي انا معي خبره قالت لا مالي دخل في مدرستك الاولى انتي لو عندي كل سنه بزيدك بس ازيدك لان معك خبره قبل لا مالي دخل وهو المفروض يزيدون الراتب بعدد الخبره اللي معك بس يلا ما اقول غير حسبي الله على ذيك المديره اللي استغنت عني بدون سبب