السلام عليكم ورحمة الله وبركاته V V V V V V V شبـاب ممكن سؤال بدون زعـل .. اقصد الشباب والشابات خريجي المؤسسه العامه بكافه اقسامها وكلياتها وتخصصاتها .. مو ملاحظين ان قسمنـا نايم اقل مواضيع .. اقل تفاعل ... وفوق هذ1 كلـه اكثر العاطلين من خريجين المؤسسه العامـه واكثر الفساد والواسطات في مجال المؤسسه العامه ياشباب ويابنات قبل كل شي العيد قرب والعيد فرحـه ....... ، ...... وكل عام وانتم بخير واعاده الله علينا وعليكم وعلى الامه الاسلاميه بالخير والصحه والسلامه ثانياً مابي اكون متشائم او مثبط للعزائم . بس بصراحه قسمنا نايم شوي . يعني مانتفاعل الا اذا جاء خبر بالجريده او بالديوان وتفاعلنا يكون فقاعه صابون او على مايقال سحابة صيف وتعدي يعني يومين ثلاثه وحتى المواضيع الي تنزل لايتم الرد عليهـا ، انا مو سوبر مان واقول معي الحل او شي كذا بس اتمنى من الجميع يكتب كل مايمر عليه سواء قدم على شركه او على وظيفه حكوميه او على عسكرية على الرغم من ان فيه قسم خاص بالاسفسارات العسكريه بس مايمنع تكتب تجربتـك معاهم وهل تخصصك مطلوب عندهم .. او مثلاً واحد عنده فكره شلون نحرك المسؤولين عن توظيفنا وجعلهم ينتبهون لمعانتنا طبعاً مابقول تجمعات وهالكلام كي لايطير الموضوع وطبعاً مواضيع التجمع صارت ماتفيد لان ماحد اصلا ناوي يتجمع فـ مثلاً الي يملك اي وسيله او فكره عادي يطرحها .. والي اتمناه يكون التفاعل ايجابي لان فيه عدة مواضيع تنزل بس مانشوف اي شي بالعكس بعض الردود نشوف فيها يأس او زي الي يقول مووت ..... لين يجيك الربيع .. بـ هالطريقه ماراح نتحرك ونبي نجلس مكاننا يعني ان شاء الله وصلت الفكره كل الي ابيه تفاعل اكبر وحتى زيارات اكثر للقسم واضافه ردود للمواضيع المهمه وغير المهمه نبي يكون هالقسم خلية نحل لعل وعسى يجي اليوم الي نلاقي حل لنا جميعا . واسف على الاطالــه .. وعيدكم مبارك .. V V V V V اشوفكم بعد العيــد ياحلوين . انتبهوا من الطرطعان لاتحرق ثيابكم يمكن بعد العيد مباشره يرشحونا ونروح نوقع اوراق المباشره وكذا << ســــــــــــــلام ..