سمعت أغنية للفنان الكبير علي بن محمد وكلماتها كانت كـ التالي:-
سبحان من يرزق بتوع الملايين .. الرازق اللي مايخيب الرجا به
لي عم عنده معرضٍ للصوالين .. أموت وأعرف بس من وين جابه
وإذا سألته قال بعت الدكاكين .. مايدري إني ما هضمت الإجابه
الحاصل إني رحت له قبل يومين .. في قصره العامر و دقيت بابه
قلت الصراحه طالبٍ قرب غاليين .. ودي تزوجني كريمتك يابه
ثنّى وقال أهلين والله وسهلين .. والكون ترخص لأجل عينك رقابه
قال أولاً مهر العروسه ثمانين .. غيرالرسوم وغير حق العصابه
والثانيه عمك يبي منك سبعين .. رسم الأبوّه والنسب والقرابه
وأم العروسه حقها منك ستين .. عشانها ست الحسن والمهابه
وأخوانهاكلٍ يبي منك خمسين .. عداً و نقداً تندرج في حسابها
وخواتها الخمس عطهن من ثلاثين .. عشان تتوثق عروق النسابه
وتجيب طقم عيار واحد وعشرين .. وخاتم من الماس مصفى ترابه
وموتر بسواقه و فله بدورين .. أثاثها من بطرته ينحكى به
وإحجز لنا قاعه بقصر السلاطين .. وإحجز بها رقاصتين و ربابه
فديته يا ناس علي بن محمد