اختي نوف تدرين مين اللي طلع لنا بهالفكرة المغلوطة.. إن الرجال ما يدخلون المطبخ و لا يقربون شغل الحريم ؟ هم الحريم نفسهم ! شوفي غالبية أمهاتنا ما يربون أولادهم على المساعدة في أشغال البيت أو أقلها في تنظيف غرفته و ملابسه الخاصة فيه إذا شافت الأم ولدها دخل المطبخ يبي ينكب الغداء قالت اجلس أنا انكب لك أو أختك تحط لك إذا شافته يبي يغسل ملابسه قالت يؤؤؤ تغسل و أنا موجودة عيـــــب أنا أغسلك و إلا أختك تغسلك إذا جا يبي يرتب غرفته الكارثية ، يؤؤؤ خل عنك أنا أرتبها لك يا ولدي هذا شغل حريم مب رجال !!! إذا دخل المطبخ و بدى يسوي له شي و يقرقع بالمواعين تقوله المطبخ للحريم شتبي داخل تسوي !؟ فكرة إن شغل البيت للحريم بس، ترسخت في عقول شبابنا من أمهاتنا و بعض الأخوات بعد ما يقصرون الشغل في البيت مب عيب يا شباب و لا تصدقون أمهاتكم إذا قالوا لكم عيب احنا ما نفتح الباب على مصراعيه لكن نبحث عن أفعال معقولة لأنه غير معقول دايم نسمع كلمة هذا مب شغلي أو نشوف حواجب مرتفعة و نظرة ازداء لأن لنا العبرة في رسول الله كان يخيط ثوبه و يخصف نعله و يحلب شاته العبرة يا بنااااات ربوا عيالكم على السناعة، في أشغال للبنات و للأولاد لكن بحدود و من غير مبالغة أو اجحاف للجنسين. << كل ما أشوف كلمة للجنسين أحسبها وظيفة