اقتباس:
المشاركة الأصلية كتبت بواسطة الحظ ردي
مشكور ياخوي متى تقديم الجوزات ماعمري شفته وكيف مده الدوره وكذا
  |
راح ارد ثاني مرة ولكن بالتفصيل 
بدايه دخولي الدوره كانت مرهق جدا والنفسيه مايحتاج (( فل الفل ))
المهم جهزت طلباتهم
واخذت الشنطه وانا مقرع على zero
جاء موعد الدخول والتفتيش على الجوال والشنط
وانا داخل صفونا في الشمس وهاتك يامعلم ماشاء الله شمس الراياض تعطيك
وجوالي خليته في الفندق ولكن الي اخذ عقلي الشباب مدخلين معاهم كروز دخااان وهاتك يامعلم تفتيش كاني داخل سجن غونتنامو
واخوكم في الله وش تتوقعون مهرب معاي
دخان طبعا لا
جوال طبعا لا ( اعطيته للمصري تبع الفندق وطلع امين )
طيب وش تتوقعون اكيد مواد غذائيه
اول شي كان معي لوزين حق العزابيه وتوكس وسنكرز وانا قلت في خاطري مافيها شي
وجالس ادعي اقول يارب
وجاء دوري عند التفتيش والى العسكري يقولي طلع العفش برا ... وهاتك يامعلم شوف الفضيحه قدام الخلق العالم تهرب دخان جوالات وانا معاي بساكيت
واول شي يطب في يد العسكري لوزين توفي
ويقولي (( ماشاء الله تبارك الله جايب معاك اسواق العثيم )) ويش يبى ذا
المهم البضاعه الى كانت معي بقيمه 30 ريال مشكل أي شي حتى علك معاااي
وحاولت معاه تكفى ياولد لكن معصي للامام سر واخذها كلها , لا ويقول خلني انقنق عليها شوف القهر يامعلم ..
مواقف كثيره مضحكه وايام وناسه
وراح اقول احلاها الى ماتتنسي
الموقف الثاني :
كان بعد صلاة الظهر وكان فتره راحه وهم محرصين علينا انه ما ننام وياولو الى ياخذ غفوه
انا قلت خلين اغط عبال يحضرون الغدا
وتوي اخذت نصف ساعه والى تووم كررروز داخل على ويقول انهض طبعا الى كان فوق السرير وطاح والى تحت السرير ماقدر يخرج من الفجعه وقالى تعالى وراى ( ياحبيبي قلت الشغله مافيها غدا ) وينك يمه ) صلبني عند مكتب الخفر وبدون أي حركه قلت امرك امرك
ماجاءت خمس دقائق الا وانا اتهزهز يمين شمال ويجني العكسري الثاني ويقول ايش عندك
قلت ماادري العكسري قالي خليك واقف ويناديني يقولي سجل اسمك في الورقه قلت حاضر والحمد الله انفكيت ولا احد ناداني
الموقف الثاني مع المقدم دغش وهو معروف بالوحش
كان عندنا اختبار نهائي على تركيب المسدس جلوك عيار9 وكل حصه كنت افك واهندس على كيفي ويوم جاء الاختبار الحقيقي قلت
ويقولي دغش فك المسدس واعطيته تحيه وقلت امرك وامسك المسدس واحاول اعشق فيه الا ويتزحلطن من يدي ياولد يدي معرقه ومبتله من دغش وقالي وشفيك ياغبي وانا اتلكلك قلت المسدس خربان وقام معصب ووقفني على جنب وهاتك يامعلم وانا اوسوس قلت اكيد راح انام بالتوقيف بعد مااخذ حمام شمس عند الساريه والحمد الله ماسوالى شي غير خصم من الدرجات .فكه
الموقف الثالث : قبل التخرج باسبوع
دخلت الجوال معي بطريقتي الخاصه وكنت دائم ادخله ولا انكفشت الا ذي المرة
المهم وجاء وقت النوم ويطفون علينا اللمبات
وانا قلت فرصه اكلم الاهل
واتصل على امي وانا عمال اكلمها باقي حتى ماقلت مع السلامه واسمع واحد يفتح الباب بشوي وانا قفلت الجوال لكن وين المشكله الجوال الغبي الاضاءه ماطفت بسرعه والا تووم كرووز دخل ثاني مره ويسحبني انا وجوالي ( حسبي الله من الجوال ) ويفتش الجوال ويقولي ويش فيه قلت مافيه غير اسلاميات وقصايد بس قالي احلف
قلت والله
الحمد الله رجعلي الجوال وقالي طفيه ))
اهم شي الواحد في الدورة مايفكر انه يفصل
وانا الحمدالله مافكرت بذا الشي لاني كرهت الشركات من شركه للشركه وقلت باصبر على العسكريه ولا على الشركات
المعذره على الاخطاء اللغويه والاملائيه
وبالتوفيق للجميع