[align=center]
ياشباب صلو على النبي .: بخصوص اللي يقول انه كان بمعهد الدفاع الجوي / شوف ياحبيبي في فرق بين معهد الدفاع الجوي . وبين المباحث / المباحث افضل قطاع عسكري . وأسهل قطاع عسكري . يكفيك أن اغلبهم يداومون مدني . ويكفيك رواتبها . واللحين الحمدالله في زيادة بالرواتب / يعني مرتاح ويارب لك الحمد

اما بخصوص ان العسكريه . ربطه شوف انا معك في هالشيء . صدقوني ياشباب أول مانتخرج من الدورة ونتعين ( راح نكرف كرف مايعلم فيه غير ربي ) اول شيء بتطب في أخويا بالعمل كل واحد انذل من الثاني . وكل واحد يبي يتجمل على حسابك . لانك مستجد وهذا شيء طبيعي . لان هالشيء مرو فيـه قبلك . يوم كانو مستجدين . كانو ينكرفون من الرتب اللي فوقهم . ثالث شيء خذها مني ( أول ماتتعين الله لا يهينك أمسك خفاره عند الباب لمدة ثلاثه شهور ) وبعدين يبدون يوجهونك بالمكان المناسب ويثبتونك فيه
رابع شيء / أول ماتتعين خلك من حالك في شانك لا تاخذ ولا تعطي مع احد ولا تدبس على فلان ولا على علان . وخلك بقدر الامكان خدوم ولا تتنرفز لانها كلها كم شهر . وبتعرف نذالتهم وحركات النص كم حقتهم وبتصير اللعن منهم .. يعني خلك هادي عشان يخدمونك بعدين ..

والمثل يقول ( أمسك لي وأقطع لك ) يعني يجي عندك خويك بالعمل يقول استلم عني اليوم استلم عنه وبيجيك يوم من الايام انت بتنزنق فيه اكيد بتقوله استلم عني ومابيردك .. وهاذي هي حال العسكريه


الله يوفقنا جميع وعقبال مانتخرج ونتعين عند اهالينا وربعنا
[/align]