1_ كم مرة رسبت في دراستك ؟ بصراحة ؟؟؟
ولا مرة


2_ لو قالك المصباح السحري اختار امنيتين شو راح تختار ؟
ابي اصير ممثل طبعا القصة من تأليفي وسيناريوي وحواري واخراجي....والامنية الثانية ان اللي طلع من المصباح يرجع مكانه بدون قربعة


3_ بصراحة كم ريال في جيبتك؟
الفلوس في المحفظة والمحفظة في السيارة وفيها 320ريال ومعها كم نص من حقات البيبسي


4_ انت بتشتغل و الا بتدرس ؟
انا اشتغل.....وشغلي تلقاه في كل بيت ومستحيل تدخل بيت وما تلقى لي فيه اثر


5_ ماهي هواياتك ؟
هواياتي كتابة القصص الساخرة جدا....وايضا صيد الوزغان


6_ كم ساعة تجلس او تجلسين على النت ؟
والله تقريبا 4 الى 9 ساعات


7_ متى اخر مرة انضربت ؟ ومن مين ؟ وليش ؟
اخرة مرة قبل اسبوع ابوي مغط اذاني عشان ضربت بنتي


8_ اذا كتشفت ان صداقتك مع انسان مزيف شو بتسوي ؟
اطلع بدل فاقد والا اشوف غيره السوق مليان وابعد عن التضحيات قدر المستطاع


9_ في كم منتدى انت مسجل ؟
البطالة ....والساحات الحرة بمعرف العزوبي


10_ ما اصعب موقف مر في حياتك ؟
انفصلت من الكلية الصناعية في ينبع وكان باقي لي ترم واحد 17 ساعة فقط واتخرج


11_ من هو اهم شخص في حياتك ؟
ناصر القصبي


12_ هل احببت يوما ؟
والله حبيت بس كله من ابو بلاش....لكن لما تزوجت حبيت زوجتي من قلبي وبعيدا عن اي مصالح مادية ...حبيتها فقط لانها هي....ولو تزوجت غيرها ماحبيتها مثل ماحبيت ام فجر


13_ هل كرهت يوما ؟
والله كل يوم اكره....اكره اللي يمخش سيارتي وادعي ان الله يشل اركانه وان يعيده الى اهله مبتور الانف


14_ هل تثق باحد من اصدقائك ؟
الثقة هذي مشكلة وانا مسكين على نياتي وطيب اوى بس الله دايم ينجيني


15_ من هو العضو المفضل بهذا المنتدى ولا تقول الجميع امثال بعض ؟
زيدان الاصلع كبتن عتيبة عاطل من زمان الترمس قلب المملكة جدنا ....وانت وناس كثير جدا بس ما ودي اكتب اسم اي وحدة من الاعضاء عشان لاندخل في متاهات وتشكيك في النوايا واتهامات اني علماني وليبرالي خصوصا واني من متابعين طاش




16_بدون مجآمله مارايكم بالموضوع ...... ؟؟
والله تذكرت يوم انسرق سيارتي قاعدين يحققون معي وانا الضحية ...بس عموما تسلم ولا عاد تطولها