[align=center]
جبت لكم معلومات توها طازززززززه من واحد تخرج السنه اللي فاتت خذيت منه كل شيء
أول شيء طمني ورفع معنوياتي يقولي والله ان ماحسيت في الدورة انها مرت علي ( كأنها أسبوع واحد )
يقول فله ووناسه وفي مدربين يحمسونك ويرفعون معنوياتك ويقولي بعد ( أغلب المدربين توهم صغار يعني توهم متخرجين مالهم سنه وسنتين وهذا اللي يخلي الدورة فله ووناسه وسئلته عن المدربين المتشدددين والمهايطيه قال والله في النادرى تلقى مدرب شديد غير اثنين وأحد أسمه ( عوض العمري ) رقيب هذا شديد ومهايطي بس احسن شيء انه مناوب مو مدرب يعني يجي في الاسبوع مره مرتين بس ، وفي واحد ثاني رقيب اسمه ( زهير ) خال قصير مهايطي يلبس لبس رياضي حق التمارين والرياضه

وسئلته عن المدربين الكفوو والطيبين قالي اغلبهم طيبين وباقي شباب مستجدين توهم متخرجين مالهم سنه سنتين
عطاني اسمائهم

محمد القبحان المالكي
محمد علي الزهراني
عويض الحارثي
جميل العتيبي

وسئلته عن الخمسه واربعين يوم اخذتمها كامله قال لا والله اخذنها 33 يوم بس والزيارات كانت في الاسبوع الثاني من الخمسه واربعين يوم

وسئلته عن الراتب قال الراتب اللحين بعد الزياده وصل = 6940 ريال
هذا وهو ( جندي حاف ) يعني ماعنده صنف ولا شيء سئلته متى يلحقونك بالدورة حقت الصنف قال على حسب الادارة اللي انت تابع لها اذا شافو في نقص عندهم يسون مفاضله او ترشيح بينك وبين اخوياك في العمل ويلحقونكم بالدورة حقت الصنف مثلاً صنف السواقين ( المداهمات ) او التصوير الفوتغرافي ( التوثيق الامني )
يقولي على حسب الادارة اللي انت فيها

بالنسبه للتعين يقولي يوجهونك ويعطونك مكان تعيينك في يوم التخرج اخر يوم بس يرفعون ملفك قبلها بشهر او شهرين يعني تقريباً بعد الخمسه واربعين يوم يرفعون ملفك وينهون كل شيء

قلت له وش اللعن يوم عندك بدورة قالي ( أول يوم وأخر يوم ) لان اول يوم تحس نفسك ماصرت حر تسوي اللي تبيه وتذكر اخوياك واهلك ، وأخر يوم تضرب فيك النفسيه عشان بتفارق اخوياك اللي بالدورة والشيء الثاني متكون موسوس على مكان التعيين تخاف يرمونك في مكان بعيد عن المكان اللي تبيه يقول هذي اللعن يومين عندي

هذا اللي قدرت افيدكم فيه وانتم ان شاء الله مابتقصرون

وكل عام وانتم بخير وعيدكم مبارك والله يوفقنا جميع .
[/align]