اقتباس:
المشاركة الأصلية كتبت بواسطة فني مساحه
انا ياحبيلك يا اخوي شوفوا لي حل نفس تخصصك (مسآآح) والله يوفق الجميع وللمعلومية
انا مقدم على المرتبة الخامسة ودعواتكم ...
وأتمنى من الاخوان وخاصة انت يا شوفوالي حل انكم تجيبون لنا طريقة اختبار تخصص
المساحة واتمنى انك يا شوفوا لي حل تعصر مخخخك ههههه وتذكر ايش جاك بالاختبار الي
قبل سنين وبالتوفيق وكل عام وانتم بالف خيييير ,,,," تحياتي
|
ياهلاا فيــــك فني .. اخيراً في واحد مساح في السعوديه غيري .!! ياولد المنتدى كله مافيه ولا واحد مسااح الا انا الظاهر ..
اخوي بقولك من الاخير وعلى بلاطــه انا رجال متخرج من خمس سنوات . من المعهد المراقبين الفنيين . اعتقد الي درستـه اندثر وذهب مع الرياح . يارجل كنا نرسم الكروكيات بمسطره تي الكبيره ومنقله تقل نص تبسي رز .. الحين برنامج الاتوكاد هو المعتمد في رسم الكروكيات والحمد لله اخذت دوره شهرين في هالبرنامج وعندي خبره عمل في مكتب هندسي يعني يجي مني فيه . شوف اخوي الي اختبرته قبل كذا ماراح يختبرونا في نفس الاسأله لان زي ماقلت لك . الحين بيختبرونا على المناهج الجديده . وانا ودي اعرف انت خريج اي سنه ، لاتقولي من خمس سنين مثلي عز الله رحنا فيهـا
المهم بقولك الي باعتقادي بيختبرونا فيه . وانت بعد قولي وان شاء الله ربي يوفقني ويوفقك وجميع الاخوان هنا ..
انا اخوي اعتقد الاتي .. /
1- بيسألونا عن طريقه استخدام التوتال استيشن في رفع وتوقيع الاراضي والمباني لانها اساسيه
2- انا اشتغلت في جده قبل سنه والمده الي اشتغلت فيها هناك كان نظام الجي بي اس الي هو جهاز تحديد المواقع عن طريق الاقمار الصناعيه نازل في مدينه جده فقط من بين مدن المملكه يقولون يجربونه واذا ضبط يطبقونه على كل المملكه يعني التوتال استيشن بيذهب مع الرياح يمكن يسألونا فيه
3- يمكن يسألونك عن طريقه الحساب الفني الي درسناه ذيك الايام وعاد لو سألونا فيه يفتح الله الرياضيات من يومها وانا ماعرف لها
4- يمكن يسألونك عن الاشياء الي تحطها بالكروكي الي هي سهم الشمال جدول الاطوال والزوايا وهيك
وزي ماقلت لك ترى هذا مجرد اعتقاد وانت يمكن ابخص مني واذا تبي تراسلني او اراسلك على الخاص ماعندك مشاكل ..
اتمنى للجميع التوفيق وكل عام وانتم بخيـــــــــــــــــر ..~