اقتباس:
المشاركة الأصلية كتبت بواسطة كابتشينو جامعي
في البدايه حبيت تقلون لي الحمدلله على سلامتك طب علينا حرامي
الحمدلله ع السلامه ,,,
اختي بتنزل للمطبخ الا صوت احد عند الباب مسكينه جت تركض وهي ميته خوف وماحد عندنا بالبيت
رحت عند الباب وقلت ياحمار وش تبي
أما ياحمار  والله لو اختي تقولي ان فيه صوت يمكن انجلط ’’
يابن ال00000 الحين بلغت الشرطه والبيت فيه كيمرا تصوير ويطير والباب فيه عين سحريه بس ظلام ماشوف شي
قسم قسمات عش الموقف  لأن صار لي موقف انا وأختي لوحدنا والله قاعده ابكي يوم كامل من الرعب ’’’’
وهو بس طب فالحوش ورجع مايدري وش فالبيت شكله مضيع الاخ 
وياما ياما صار لي مواقف من اخواني يستهبلون هم ووجيهم ,,,
مره صار لي موقف معي اختي الوسطى والصغيره 5سنوات نايمه وأهلي كلهم طالعين وسمعنا صوت قلت
يتهيئلي مافيه شي سكت شوي الا اختي تقولي فيه صوت عند باب المدخل رحت ركض
لغرفتنا وشلت اختي الصغيرة بسرعه انا واختي الثانيه وهي  ماتدري وش السالفه
وركض للحمام الغرفة وانتم بكرامه وقفلنا عل نفوسنا وشوفي أنواع الدموع اختي الوسطى ارحم مني ماتبكي لكن واضح عليها الرعب ,, والحمدلله دايم اذا اهلنا طلعوا نشغل قناة المجد
القرآن ,أو أناشيد من الاب ,,
وشكله حس البيت فيه احد وراح,,
ومن بعدها والله توبت اجلس فالبيت لوحدنا نصيحه اختي لا تجلسون لوحدكم ع الاقل يكون معكم احد من أهلك ,,
الله يحفظنا ويحفظ المسلمين ,,,من كل شر والحمدلله على سلامتكم مره ثانيه ,,,
وتسملين ع الطبخات الحلوه لكن انتبهي مره ثانيه
|
مشكوره حبيبتي
الله يسلمك ويحفظك
والله الدنيا تخوف وبالخصوص عندنا بالجبيل الصناعيه كثير السرقات
وانا والله ميته خوف بس اتظاهر بالشجاعه شسوي انا اكبر خواتي مابي هيبتي تطيح
وبعدين عندنا باب ثاني على الشارع العام كنت مفكره لو حاول يفتح الباب نطلع منه بسرعه ومطمنه انه ماهو قادر يفتح الباب والشباك عليه حديد يعني يحلم يفتح اي شي
ماخذين احتياط علشان كذا جلست اهايط واصرخ عليه ههههههههههههههههه
وترى الحراميه هالايام مخفه بزران والله من العطاله
بس توبه بعد هذاك اليوم الانوار مفتوحه على طول ومطولين على صوت التلفزيون
وباقي اسبوع ويرجعون المسافرين لبيوتهم وترجع مثل قبل
والله الحي اللي احنا فيه بس احنا وبيت ثاني والباقي مسافرين من جد موحش
والصناعيه معروفه بالكئابه لانها منطقه شغل ونوم بس
يالله على العموم الله خير الحافظين