اقتباس:
المشاركة الأصلية كتبت بواسطة الاوراق
يعطيكم العافيه اللى ردو
بس معليه اذا ثقلتها عليكم بس ابي اعرف
هل عمل (موظفه استقبال) افضل من(خدمه عملاء) اسمها اوبريتد او ابريتر شي زي كذا يعني كول سنتر ولا مافيه فرق بينهم يعني ايش افضل لي انصحوني وهل اذا ضروري بالعقد تحدد مده معينه طيب واذا مارتحت بالشغل او تركتها لاي ظرف كان وش يترتب علي
|
حسب رايي وخبرتي المتواضعة ان خدمة العملاء افضل من موظفة استقبال ..
لاني اشوفها مطلوبة بشكل اكبر فـ حلو يكون عندك خبرة بهالمجال ..ويعتمد هالشي بعد عليك انتِ .. يعني وش اللي حابته ؟ موظفة الاستقبال اعتقد ان مهامها الاجابة على الاستفسارات بالاضافة الى المهام الادارية المطلوبة اما خدمة العملاء تصلح للناس اللي عندهم اسلوب حلو في الاقناع والكلام وعندهم صبر ويتحملون الناس ..
اكيد هم بيشرحون لك وش مهام وظيفتك بالضبط واذا ماقالوا لك انتِ اطلبي منهم هالشي قبل ماتوقعين
بالنسبة للعقد .. اكيد بيكون محدد المدة وغالبا سنة اول 3 شهور تكون تجريبية بالنسبة لهم .. يعني يجربونك فيها وبعدها تمشي المدة عادي الا اذا هم انهوا العقد ..
وبالنسبة لك انتِ اذا بغيتِ تتركين .. عادي تقدرين تتركين باي وقت بس لازم تبلغينهم وتداومين معهم لمدة شهر او تتركينهم على طول بدون مهلة الشهر بس يترتب عليك في هالحالة انك تدفعين لهم راتب شهر ..
اكيد هالمعلومات بتكون مكتوبة في العقد .. وبامكانك تشوفين حقوقك من موقع وزارة العمل (نظام العمل والعمال)
والله يوفقك يارب 