اقتباس:
المشاركة الأصلية كتبت بواسطة اخصائي صحة بيئة
اخوي بلا اسم
انا من سكان حائل لكن اساسا من الرياض واغلب قرايبي بالرياض
يهمني الراتب -البعثة -السمعة -السكن
على فكرة تخصصي طبي يعني في كل الاحوال دوامي بيكون بمستشفى
|
يعني ماعندك مشكلة تعيش بالرياض ؟؟
لأن الظاهر مافيه حرس وطني بحائل
وكل الأشياء اللي ذكرتها متوفرة بالحرس الوطني بشكل كبير جدا
الإشكال في وزارة الدفاع إنها وزارة تندرج تحتها عدة قطاعات وكل قطاع يختلف عن الثاني من حيث الراتب-البعثة-السمعة-السكن
ولا تقدر تضمن مكان تعيينك
الراتب - إجمالا في الحرس ممتاز جدا وأتوقع أعلى من متوسط رواتب الدفاع
البعثات - ما أقدر أفتيك لكن سمعة الحرس طيبة من هذي الناحية - أخوية ضابط في الحرس تخصصه حاسب آلي أرسلوه أمريكا دورة تخصصية وعسكرية تقريبا 9 شهور
السمعة - مادري هل تقصد المكانة الإجتماعية ؟؟ لأن هذي الميزة غير موجودة لا في الدفاع ولا في الحرس لبعدهم عن الجمهور والمجتمع وعدم حاجة عامة الناس لهم ولكن في توقعي وقع كلمة ضابط في الحرس الوطني أكبر من الدفاع
السكن - أرجح كفة الدفاع ولكن لا أدري هل كل القطاعات (برية - بحرية - جوية - دفاع جوي) توفر السكان ولا لا ... لكن الحرس الوطني فيه زحمة شديدة على السكن وسمعت إن الرئاسة تسعى لبناء عدد كبير من الفلل لحل مشكلة الإنتظار الطويل لحصول الضابط على سكن
(( أنا أرجح لك الحرس في حال إن ماعند إشكال في السكن بأي منطقة يوجد فيها الحرس ))
إستشر واللي تجده أقرب لنفسك استخر له الله وماراح الله يضيعك