انا اللي يابعد عمري بقول: ( آسف ) ولو مخطيت !


لأن اكبر خطـا منّـك صغيـر بجنـب غلطاتـي


ابد ماني بقايلك : ترفّـق ! ليـه ؟ وشسويـت !


قـل اللـي ودك بقلبـك تقولـه واتـرك سكاتـي


عسى الله لايعافينـي اذا مـن هرجـك انغثيـت


سكت مـن الخجـل والله بـلايه خابـر سواتـي


ومدامه ( صح ) كل اللي تقوله ، فانـت مازليـت


واذا زليـت هالمـره ! نسيـت ؟ شكثـر زلاتـي!!


نسيت انك تنسّينـي الزعـل كلـه الىآمـن جيـت


مجرد ضحكة عيونك بنظـره تجمـع شتاآآآآتـي


نسيت ؟ شكثر تغليني ؟ وكم لك ؟ وانت مامليـت


نسيـت ان الوفـا منّـك يذكّرنـي خيانـااتـي ؟


نسيت ؟ الله يوم أنّـك علـي مـن الزعـل غنيـت


" حسبت اشواقنا غابت " وخابـت فيـك هقواتـي


عجزت انطق ولاكلمه بلحظتهـا سـوى ياليـت


يجيلـك يـوم بـاذن الله وتقراهـا مـع ابياتـي


هذاني جبتها ـشفني وازيد من ( الغلا ) لك بيـت


مـادام ان القصايـد فيـك لسـه فـي بدايـاتـي


احبك ؟ ايه احبك .. ايـه احبـك ..آآه لوعديـت


مـن الآحـاد لـلآلاف تمـلا كــل خاانـااتـي


حبيبي لاتحاسبني وانـا يااامـا عليـك اخطيـت


ترى لو مـت بيدينـي غفرلـي صـدق غاياتـي


فمن انت /ي