[align=center]
شنقهاوي شكرا لك على هالبادره
واليكم المتواضعه
نحمد الله يوم ناض الخير ببروق ورعـودي
عِد ما هبت هبوب الغيث سال الشِعب سالي
ونحمد الله يوم حِنا في ذرى الحكم السعودي
السليل ابن السليل إللي رقى شُـم الجبالـي
يا وطنا اليوم حِنا في حدث جعلـه يعـودي
نذكر العود المحنك. نذكـر قـروم الرجالـي
نسل وائل يوم جاها قادها صُوُبَ السنـودي
قادها بحِكْمَةْ حكيم وزال منها الجهل زالـي
أسس الدين بثراها يوم نُودِي يـوم نُـودِي
الملك لله . ثم للـي جالهـا سيفـه يلالـي
سخر الدولة لشعبه بعد توحيـد الجهـودي
واحكموا بعده عياله وانعم بهـاك العيالـي
((همنا يرضى المواطن )) قالها فهد الفهودي
ثم جا صقر العروبه عـزز القـول بفعالـي
نحمد الله دارنـا ديـرة عريبيـن الجـدودي
ديرة أللي يحتميها كل مـا جالـه مجالـي
نحمد الله يا وطنـا كلنـا لأجلـك جنـودي
قلتها وآنـا عليهـا قالهـا عمـي وخالـي
لا قدح ضو الفتيلة يبشـر بقـدح الزنـودي
يبشر بعـزه وطنـا. لا نهـاب ولا نبالـي
قلتعا وآنا صغيـر السـن لكنـي سعـودي
بالسلام أختم كلامي يـا كريميـن السِبَالـي
[/align]