.................مدخل سآيـر الدنيآ ونآاظـر بـ نـص .. عيـن , ولآ تـ ح ـرق أعصـآبـك من آفـوآهـ هـرّآجـه .! صباح/مساء الخير كيفكم يااعضاء منتديات البطاله الشامخه بادارتها وكادرها الاشرافي المتميز والاعضاء المحترمين بصراحه السخونه لعبت فيني واذا لعبت فيني السخونه احس اني ابي اكتب شي يعبر عن اللي في داخلي من هم وفرح وكل شي~>توهق ماعلينا مما ذكر آنفا اليوم موضوعي يتكلم عن النذاله اللي ماتخفى على كل شخص انها فعل قبيح ومافي احد يحبه مثلا يكون عندك صديق تعتبره بمثابة الاخ وتشيل الحواجز اللي بينكم وتحاول تكون معاه في الخير والشر والفرح والحزن>بالعربي بايعها عشانه وتتفاجا بعد وقت ليس بالقليل ان خويك هذا اللي كنت تعتبره مثل اخوك ماهو كفو وماينفعك وقت الشده يعني يهايط على راسك ومسوي نفسه خويك واذا احتجته ماتلقاه مثل ماقال الشاعر الفزعه اللي ماتجيني على الوقت مثل العلاج اللي على غير وقته اكيد راح تنصدم وتاخذ في خاطرك ويمكن ماتكلمه طول عمرك ويصير في قلبك حقد عليه وتندم على الايام اللي عرفته ومشيت معاه فيها صحيح انك معاك حق لكن طريقتك غلط في التصرف لانك دخلت الشيطان بينكم وصار هو اللي يفكر لك الا على طاري التصرف الغلط والشيطان يقول المثل الكلمه اللي تستحي منها بدها الواحه صار فيها اشياء ماتسر العدو قبل الصديق وحالها يرثى له وين ايام 2009 الله يذكرها بالخير ايام كنت مرابط في قسم الاستفسارات العسكريه والله كانت ايام حلوه ماانساها لكن ياخساره اخوياي اللي كنت اعرفهم اللي ترك المنتدى واللي حول نشاطه للواحه مثلي اذكر اول مادخلت الواحه كنت احب اكتب في اخر موضوعي اذا عجبكم الموضوع قيموني وكانت الكلمه هذي تسبب حساسيه عند بعض الاعضاء ماادري ليه وكبرنا والمنتدى تطور والاعضاء في ازدياد الله يبارك فيهم ويصلحهم ويرزقهم باللي في بالهم بس صار شي ماكنت اتوقعه اللي هو اعضاء يدخلون للمنتدى بغرض التميلح ~>عودنا لياطير يلي مااقول الا الله يهديهم وفيه اعضاء شغلهم الشاغل النسخ واللصق من عند جيراننا في القوقل انا اتمنى من اللي ناوي ينقل موضوع انه يطلع عليه قبل ينسخه ويجيبه للمنتدى مره قرات خبر في المنتدى وكان مكتوب في الموضوع انه صار امس مع اني سمعت الخبر قبل اكثر من شهر >ايش كان بيخسر لو حذف كلمة يوم امس وترك الخبر مبهم بما انه نوى ينقله للمنتدى ويبي الاعضاء يشوفونه ايه وفيه موضوع ثاني ابي اتكلم عنه ~>ياكثر مواضيعك فيه اعضاء الله يهديهم بنزين يمشي في المنتدى يدخلون على المواضيع وينتقدون صاحب الموضوع بطريقه تخليه يفقد اعصابه ويمسح بكرامتهم الارض فأنا ومن هذا المنبر اوجه رساله لكل من يحترم علوش ~>ارحم يالمهم واقوله اتق الله في اخوانك المسلمين وعاملهم بالرفق والابتسامه >صحيح ماراح يشوفونك وانت مبتسم بس ردودك راح يبان فيها ابتسامتك لنكن يد واحده لرقي المنتدى ونبتعد عن الاجواء المشحونه ونحاول تفهم الطرف الاخر واحترامه الله يسعدكم ويحفظكم ويرعاكم وشوشه انا كتبت الموضوع هذا للفائده العامه واكيد انه من اعراض السخونه والمرض اعذروني على التقصير انا اخوكم ومنكم وفيكم اذا رايتم مني غلط انصحوني واذا رايتوني اصبت شدوا من ازري وشجعوني فما انا إلا بشر يصيب ويخطي تحياتي كتب في يوم الخميس 14/10/1431 3lo0osh مخرج.................... يا خاطري خل العتب .. روح ونام بينك .. وبين النوم شيل الـ كلافه !!