توي ارسلت رساله بالبريد الالكتروني لوزارة العدل عن طريق موقعهم
وهذا نص رسالتي


السلام عليكم ورحمه الله وبركاته
يالغالين انا ماوصلتني رساله من شؤن الموظفين بوزارة العدل اني انقبلت مبدئيا في الوظائف الكتابيه ولا دريت عن النتايج الا بالصدفه اثناء تصفحي للأنترنت
ودخلت شفت النتيجه وانقبلت والحمد لله وموعد اختباري يوم الاحد 24_10 الساعه 4 العصر
والان رجعت للموقع ابي اطبع الورقه يقولي انتهى الوقت المحدد لطباعه الورقه
طيب يا اخوان انا ماوصلتني رساله لا على الجوال ولا على الايميل ان النتايج طلعت وان وقت الطباعه محدد

ارجو المساعده الفوريه لكي ادخل اختباري يوم الاحد 24_10 بالجامعه الاسلاميه بكليه الشريعه بالمدينه المنورة
ولكم مني جزيل الشكر والعرافان
ابنكم

فلان العلاني
ورقم الطلب ****


عارف ما راح يردون بس من باب اسوي اللي علي


والله شي يقهر تنقبل ولاتدري انك انقبلت لابرساله على الجوال ولا الايميل
اليوم اللي دريت اني انقبلت بتاريخ 14_10
ووقت الطباعه من 10_10 الى 12_10
ومالحقت طبعتها اول ماشفتها لان ماعندي طابعه اساسا
ويوم رحت محل طباعه وتصوير ابي اطبعها يطلعلي ( انتهى وقت الطباعه المحدد ) !!


يلعن ام الاهمال اللي زي كذا
اول شي النتايج جلست سنه على ماطلعت
وطلعت النتايج ولاجاتني رساله لا على الجوال ولا على الايميل
دريت بالصدفه ويوم جيت اطبع يقلك وقت الطباعه محدد بيومين من 10 الى 12 شوال
ليه هالتعقيد ليه مايخلون الطباعه مفتوحه مثل ديوان المظالم التابع لوزارة العدل
ليه التضييق على المسلمين
ناهيك اصلا ان نص المتقدمين مايدرون ان النتايج طلعت اساسا ونسيوها اجل 9 شهور عشان تطلع نتايج
9 شهور يمديني تزوجت وخلفت ولد

حسبي الله ونعم الوكيل