اقتباس:
المشاركة الأصلية كتبت بواسطة هيبه ومفلس
شباب ربي يوفقكم الحين صار الي صار الي نقبل والي مادري ايش الحين وصلنا للامتحانات ولاحد فادنا بالاسئله لوظيفه كاتب قريت ردودكم من اول صفحه للاخير احولت عيوني  قبل اوصل للاختبارمالقيت شي عن الامتحانات وااختباري يوم الثلاثاء هاذا وش الحل ردوووود للي اختبرو ربي يوفقكم كلكم |
وانا مثلك صراحه ثلاث اربع الصفحات تتكلم عن قلم رصاص
وربي مت من الضحك اللي يقول لزم محيه او بريه
وانا احب احل المشكله ياشباب بس اكتبو في قوقل الصور
اسم القلم وقوقل يطلعه
اما على طريقة الاختبار انا ياخوك لي ايام اجمع كل طريقه
تنزل للاختبار كل واحد يكتب طريقه وفي كم واحد قالو انها اختبارات حقيقيه سابقه
جمعتها كلها وشفتها عرفت شي اكيد مهم هو
الخط
وسرعة الكتابه
والاملاء
هذي الاشياء اكيده
اما اذا فيه اساله او لا انا مادري
لكن في ناس قالت مثل القدرات وفي ناس اسئله عاديه وفيها قطعه وناس تقول صحح الخطأ
لكن انا شفت ان كل سؤال او غيره يدور حول شي اللي هو وزارة العدل
انا عن نفسي احاول اخذ معلومات عن وزارة العدل
مثلا متى تاسس وزارة العدل في المملكه
من اول قاضي
الوظايف الكتابية تنحصر في ثلاث أقسام
كاتب ضبط
كاتب عدل
كاتب سجل
مثلا ممكن يجي سؤال
يعني اشياء تدور حول وزارة العدل
ونسيت اضيف
حاول تكتب معروض وتتدرب عليه
اي معروض مو مهم الان دائما لهجة المعروض
تتشابه مثلا التنازلات
طرف اول فلان فلان طرف ثاني
زي كذا
بسم الله الرحمن الرحيم
سعادة مدير فرع وزارة العدل بمنطقة الرياض حفظة الله
السلام عليكم ورحمة الله وبركاته وبعد :
اتقدم بعروضي هذا وامل منكم قبولي ...............................................
والله يحفظكم . ثم اسمك .واهم شي الخط
الانه احتمال حسب مابحثة انه ممكن
يجي شخص ويقول اكتبو املاء
ويتكلم بسرعه طبعا ولا يوقف
وحتى لو فاتك شي ممكن تعوضه من الذاكره
هذي اهم النقاط اللي عرفتها الى الان
وتوكل على الله وربي يوفقك