[POEM="font="Simplified Arabic,5,white,bold,normal" bkcolor="limegreen" bkimage="./images/backgrounds/10.gif" border="outset,6,white" type=2 line=0 align=center use=ex num="0,black""]
يابلادي اسمعي شاعر وحاله=واسمحي لي يابلادي فكلمتين
افتتحنا الشعر في صرح البطاله=لاجل من عانا ولاجل العاطلين
بس لايعني ننادي بالضلاله=لا ولا نظلم ولسنا خارجين
في بلدنا نحمد الله في جلاله=قصدنا واضح وحنا واضحين
باسمنا نكتب ونعلنها دلاله=لاتجني لا ولا إنا مادحين
ادعم الصادق واوصلها حباله=مانخونه لو يخونه صاحبين
ماتناقض كل ما قلناه قاله=والله إنا صادقين وواثقين
لكن الواقف تغير له ضلاله=شمس يومه عن يساره واليمين
والعقل يفسد وقالوها هباله=لابقى في موقفه كذا يهين
ودك انه يتبع النافع لحاله=كيف كيفه مايرده حاجزين
اتبع ابلادي وادلعها بهاله=واحمد الله لا لغيره تابعين
صح فيه الظلم وغياب العداله=وفيه قهر وفيه كبت وسارقين
وفيه ناس(ن) همها تاخذ رياله=هالمواطن وافهموا يامساهمين
صح فيه اعلام باقي في خباله=ليت فيه الريم زادت حبتين
وفيه ناس(ن) فوق هالقانون عاله=لانهم من آل آآآآآآآآل وظالمين
وفيه اراضي روحت قهر ونكاله=وكم بيت(ن) يهدمونه قاصدين
وفيه ناس(ن)سجنها شعر ومقاله=وفيه ناس(ن) فجرونا غاضبين
عندنا ارهاب واضح بالزماله=المفجر والمكفر قاتلين
وعندنا ارهاب غيره بالكفاله=في النظام وفي الوظايف قابعين
وعندنا ارهاب واهواله هواله=اخطر انواعه بلجم القائلين
وعندنا ارهاب في مالك وماله=مانعرف اللي لنا والدائنين
وعندنا ارهاب تعليم وجهاله=احفظ الجمله وردد ناجحين
بس فيه اكبر مصيبه باحتلاله=بوش وايران القريبه جاهزين
انظروا للدم في ارض الاصاله=واعرفوا الخسران واللي كاسبين
نحمد الله مانوردها هزاله=حبنا لله وارض الفاتحين
ليه ما نصدق ونبداها هلاله=وكل مخطي يتعظ بالسابقين
صح فينا عيب واحيانا خلاله=بس والله يابلادي صادقين
لعنبوا اللي مايحبك في خياله=ولعنبوه العشق والا عاشقين
من دعانا للتناصح ياهلاله=نسمع الكلمه ونقبل طايعين
ذاك عبد الله وحنا له عياله=فك عنا الصمت صرنا ناطقين
مانانافق له على ميلة عقاله=ماندربي له علوم الكاذبين
وشعرنا يعجبك ياعمه وخاله=يعجب اللي في بلادي ساكتين
كلمة للمنتدى واخي بطاله=وبيض الله وجهكم ياقارئين
[/POEM]

.............................
محمد الزهراني
من..بحور الصمت
.........................