يا شباب خلوني أقول لكم شغله عن هذه الشركة الي انا الآن اشتغل فيها كمترجم ميداني شفهي ..
علشان تكونون في الصورة ولا تندهش إذا دخلت الشركة , هذا تفصيل دقيق عنها

أول ما سجلت في الشركة كان يقولون انتظر وقت الأختبار انتظرت تقريبا شهر إلى ان تحدد الإختبار والإختبار كان عبارة عن أسئلة تحريرية ومقسمة لقسمين , نصها اختيارات والنص الثاني ترجمة نصوص , فلو كان آدائك جيد في الترجمة التحريرية بينقلونك لأقسام الترجمة التحريرية وهذه اسهل وأحسن من الترجمة الشفهية الي تروح لها لو كانت نسبة نجاحك فهالإختبار ضعيفة ,

نروح للجانب الي يكون بعد الإختبار .. قعدت تقريبا شهر إلى ان تم الإتصال بي وقالو لي متى تبي موعد المباشرة , اخبرتهم بأني اريده بعد اسبوع وعلى كذا تم العمل , وبعدين ذهبت للمعسكر الرئيسي للشركة وتم توقيع العقد , وكان اليوم من أشد الأيام التي مرت علي , لأننا قعدنا من الساعة سبع إلى الساعة 1 تحت الشمس مباشرة ننتظر أتمام الأجراءات , حتى اني والله فكرت أني اسحب عليهم , وبعد عملية توقيع العقد , أتينا من الغد وكملنا الأجراءات من لبس وما شابهه , طبعا اللبس بيكون مكون فنيلة وجاكيت فقط وتلزم انك تجيب بسطار على حسابك من أي محل .

الرواتب تتفاوت على حسب الدرجة , ولكنها نسبيا جيده .
الدوام تسع ساعات ونص يوميا من الساعة 5 إلى 2 ونص او من الساعة 7 إلى الساعة 4 ونص وكل دوام على حسب الإدارة .
فلو تعينت في قسم تدريب الوحدات , فالله يعينك لأن النظام فيه متعب ومرهق وخاصة وقت الميادين لأن فيه هضم حقك علنا بينما الأمريكان يتمتعون بجميع المميزات والسعودي ملحط .
وطبعا من سلبيات الشركة , كل يوم لهم قرار , وما لهم دسور معيين , اي مدير يقدر يلعب بذيلة وطبعا كلن خايف على منصبه . والفلوس عندهم تطلع بالقطارة .


انا ما ودي اخوفك على هذا هو الواقع وانا اخوك ...