[gdwl]
نـصـائـح عـامـة
ياوحوش الطائف هاذي نصايح اخذتها من . اخوياي اللي تخرجو العام الماضي وقبل الماضي .
1 = الفنايل العسكريه قيفها على جسمكبالضبط ، لان مصيرك بتنحف واذا نحفت بتطلع عريضه عليك ، الشيء الثاني السروال الخاكي اللي مع البذله العسكريه سوي له مطاط من تحت عند رجلك ( مثل السراويل اللي زمان ابو مطاط من تحت ) عشان بعدين ماتنزل على البسطار وتتجازى عليها ، وبعد نصيحه مني ياعيال الاكمام حقت البدل العسكريه اذا وديتها عند الخياط خلي يسوي لها لصق ( مثل اللصق اللي عند لوحة الاسم ) عشان ترتاح ماتقعد تبنق وتتقروش والا تنقطع البناقه وتتجازى عليها لان اذا المدرب شاف البناقه مقطوعه بيجازيك عليها او انك مو مبنق البذله بيجازيك عليها يعني اختصر الوضع عليك وسوي لها لصق اريح لك . والجيوب بعد خلي يسوي لها لصق وترتاح
2 بالنسبه للبسطار . البسطار اللي عطونا ثقيل وصدقوني راح تتعبون منه لانه ثقيل وبيضايقك ويتعب رجلك
لكن اذا رحت عند محل الخياطه العسكريه اشتري لك بسطار خفيف على رجلك . او سوي له تبديل يعني تعطيه البسطار اللي صرفوه لك المركز وتاخذ بسطار من عنده ومافي مانع اذا زودتها عشرين او ثلاثين ريال ( البسطار قيمته ( من ثمانين الى تسعين ريال ) لا يلعب عليك البنقالي ،
3 / لوحـة الاسم اشترو ثنتين ميداني وثنتين مكتبي ( يطبعها لك بالكمبيوتر ) بتقولون لي ليش اربع لوحات ؟ لانه اذا ضاع عليك بتتسحب في الميدان عشان كذا خشل لك من كل شكل واحد زياده احتياط . وحطه بالشنطه
4 / بخصوص الشنطه / نصيحه مني اشترو لكم شنطه كبيره تكفي ملابسك كلها ( واشتري لك قفل صغير ) عشان تقفل الشنطه لان اغراضك كلها بتكون فيها من فلوس أو اي شيء عشان لا تضيع .. وخذ لك ميداليه صغيره عشان المفتاح لا يضيع
5 / في اشياء ضروريه راح تحتاجونها في الدورة وتندمون اذا مااخذتوها / اول شيء ( الفكس ) عشان اذا زكمت او سخنت او جاك شد في عضامك او خلع او اي شيء الفكس مفيد . وضروري ياعيال لا تنسونه والشيء الثاني خذو لكم مرطب فازلين عشان تمرخ جسمك كل يوم في الليل قبل النوم من حرارة الشمس وينفعك هذا عشان لا يتشعط جلدك .. والشيء الثالث خذو لكم مرهم من الصيدليه حق الشد وحق العظام اسمه فولتارين ، بالاضافه الى بودرة تلميع البسطار مثل البودرة حقت الاطفال والحلاقين والصابون والشامبو والليفه والفرشه والمعجون ومنشفه وطارد للفطريات عباره عن بخاخ تلاقونه في الصيدليه تبخه على رجلك قبل تلبس البسطار وبعد ماتفسخه
6 / بخصوص السراويل الصغار ( اشترو لكم سراويل شد من محلات الرياضه ) افضل لان سراويل السنه بتقروشك في الميدان مع العرق بتقمط عليك لكن سراويل الشد بتكون مشدوده على جسمك وتريحك ( تلاقونها في محلات الرياضه ) خذ لك من ثلاثه الى خمسه سراويل شد
7 / لا تشيلون هم الهروله اول اسبوع اذا طبينا في مدرب كفو راح يخلينا نهرول شوي ونمشي شوي حتى يصير عندنا لياقه . واذا طبينا في مدرب مبزوط هرول واذا تعبت طيح وبيخليك تريح شوي وترجع تكمل بس لا تخربونها كل شوي تطيحون عشان لا نتجازى جزى جماعي وناكلها بتراب
8 / في بقاله عندهم هناك يبيعون فيها كل شيء يعني خذ لك مبلغ وقدره واصرفه خمسين وعشرات وحطه بالشنطه حقتك ..
9 / هذا اهم شيء نصيحه مني ياعيال اذا شفت واحد متحطم نفسياً ويفكر في الهروب . اصنحه وارفع في معنوياته واذا قروشك . ابتعد عنه عشان لا تتأثر بكلامه وتفكر في الهروب مثله
السنه اللي راحت هرب 3 طلاب بس وكلهم راحو في ثاني يوم والسبب ( معدومين الرجوله )
وبالنسبه للجزاوت ان شاء الله انه مانتجازاء كلنا لاني شفت اغلب اللي انقبلو كبار وفاهمين ومو مبزوطين يعني بالعاميه ( رجاجيل ويقدرون الرجال )
بالنسبه للمدربين ان شاء الله انهم كلهم كفو وصدقوني اذا شفتم مدرب شديد علينا والله اذا قابلكم برى المركز انه يعاملك معاملة اخ وصديق لكن وقت العمل عمل وهذا الاشياء مايجيبها من عنده هاذي تعليمات تجيه من فوق ولازم يسويها عشان يختبرنا يشوفنا نقدر نصبر ونتحمل او لا ؟
واذا سمعت كلام مثل يابسطار يالوح يادرج ياكلـب يا يا يا يا ..إلخ ، تقبلها بكل سعت صدر ولا تزعل
وهذا اللي عندي وسلامتكم ..
وهذي الاشياء نصحوني فيها اخوياي اللي تخرجو السنه اللي فاتت واللي قبلها ، وحبيت افيدكم
تحياتي لكم / العُمري الزهراني
[/gdwl][align=center][/align]