يا أخي _ محتاجك صديق _ إذا فيها قصر الحكم دخيلك خلينا كلنا نتجمع ونروح سواء ( معلمين أو معلمات )
. إلا إذا هناك شيء شخصي تود إيصاله للملك بمفردك .
إذا تحب نتجمع حدد يوم ومكان ولا يردك إلا أناملك الغالية بلغنا وشوف.........
مع إنه مرة حاولت أعمل كذا قالي المسؤول اللي في مكتب التشريفات (( سبب المقابلة : فقال له أخوي شكوى عدم تعيين ........رد عليه : بس.يا أخي الله يهديك إذا على البطالة العالم كله يشتكي ، بعدين أختك ليه ما تتزوج وتقعد في بيتها أفضلها )) طبع أخوي عسكري واللي يتكلم عسكري كان يتمنى بس لو إنه مدني كان مسح فيه الأرض لكن للبدلة اللي عليه قيمة إذا هو ماله قيمة.
يا عمري إذا على الأجانب واللي بيصير من أجلهم لا تحكي لي أبكيلك لو تشوف مدرستي أغلب اللي فيها مسيحيات وحتى حواراتهم بعد الإجازة (( عن التغييرات التي حدثت في كنيسة القيامة ......ترد الثانية : أنا رحت على الكنيسة المارونية وشفت ........)) وأنا وزميلاتي اللي كانوا معاي كنا عناد فيهم نشيل كل اللي يعطونا إياه ولا تأخذ أجنبية مكاننا. لكن يعرفون كيف يحرقون دمك لين تترك وكمان إذا تبي إخلاء طرف لازم توقع تنازل عن كل شيء في عقد العمل.طبعا الأخوات يسولفون من الفضاوة .......لكن أحنا اللي في الوجه مثلا 
( لازم تحضري الطوابير - الإذاعة - الأنشطة - الرحلات - التحضير الكتابي - الدروس بور بوينت - أوراق عمل وقياس ومسابقات -خطة علاجية للمتأخرات دراسيا ( والتلميذات المتأخرات شهر ونصف عن الدراسة ..خذيها في حصص الفراغ أشرحي لها اللي فات..)أطلعي دورات - تشترك في المعارض والمهرجانات من بروشورات ومطويات ووو.......لو أجلس اليوم كله أكتب ما أنتهي )) المهم السؤال العظيم الذي سألناه يوم لمديرتنا الغالية عن هذا الظلم ( سعودية تأخذ 26 حصة وإذا فيه تخفيض 24 حصة والأجنبية 14 حصة ولا تشترك في أي نشاط مما سبق ذكره . قالت: الأجنبيات يكلفوا المدرسة كثير بعدين هذي هي السعودة تبوها أجلسوا ماتبون بكيفكم أصلا الأمهات لما يجوا يسألوا عن الكادر التعليمي إذا معظمه أجنبيات سجلوا بناتهم وأنتم موجودات علشان لما تجي موجهه وتسأل عن السعوديات تشوفكم وتسكت ولا تتعب نفسها وهي تكتب تقارير عنا . والله الذي لا إله إلا هو لا يمكن يخلونا نجلس مع الموجهات لوحدنا علشان نشتكي أو حتى نتكلم معاهم. أسأل الله أن يأخذهم بأعمالهم ويسلط عليهم من لا يرحمهم.
يارب ما طلبنا رزق بلا عمل .........ولا طلبنا عمل بلا شهادة ..........أرزقنا ياكريم بوظيفة
والله مصيبة الأجانب يأتون إلى بلدي ليتوظفوا وأنا أرجو كرم وسخاء مليكي إن كان يعلم بحالنا وإن كان لا يعلم فليحاول أن يتجول ميدانيا ليعرف مدى الشقاء الذي نعيشه .ليس عيبا
الله عزوجل له ملائكة يسجدون له ويسبحون ويستغفرون .........ومع ذلك ينزل إلى السماء الدنيا..هو من يأتي إلينا ويقول: ( أمن دعي فاستجيب له) بإمكانه يجلس على العرش ((ليس قصر)) والكل في نار جهنم .
عزت علي هذه الدمعة ولكن يعلم الله من الظلم الذي نعيشه .......
آسفة على الإطالة بس يمكن أحد يتشجع ويكتب كمان عن المساؤى اللي بتمارس علينا ونتحملها وأحنا ساكتين
إن شاء الله أكون خففت عليك يا عمري وإذا تبي زود هموم
قول بس ...........وراح أبدأ بالمستشفى وبعدها بالمحكمة وبعدها بالشرطة ولا يكون خاطرك إلا طيب .
طبع ما أكتب إلا كل كلمة ولدي دليل عليها خلاص تعلمت من روحت المحاكم.
والله أحكم الحاكمين