المشاركة الأصلية كتبت بواسطة زين الشباب

السلام عليكم ورحمة الله وبركاتة

فيه العديد من أسواق الجملة في دبي تحديداً فكل سوق متخصص لبضاعه معينه :

اترك السوق الصيني الى يسمى التنين الصيني ما انصحك فيه اسعارهم غاليه خبري فيه قبل سنه اما الحين ما ادري مايشجع انت خذ فيه تمشيه وتفرج وشوف اسعارهم ولاتشتري شي إلا بعد ماتشوف اسواق الجمله بدبي

بالنسبه للجلابيات هناك سوق يسمى سوق عكاظ فيه الكثير من الجلابيات متفاوتة الأسعار تبدأ من 20 درهم إلى 7000 أو 5000 درهم تقريبا وفيها أشكال مختلفة . وفيه بالجملة والمفرق .

اما أسواق الجملة المتخصصه للألعاب الأطفال والهدايا والتحف والأواني وبعض الملابس فهذا السوق يوجد خلف سوق الذهب مباشرة وهو متفرع ومتخصص ببيع الجملة.تحصل لوحة على ما اذكر مكتوب سوق الذهب حول سوق نايف

اما المصانع فهنالك مصانع جبل علي في دبي ومصانع عجمان في إمارة عجمان ...

بعد في دبي سوق قرقاش للالكترونيات,


في دبي سوق الراس قريب من سوق الذهب وسوق مرشد موجود كل اللي يخطر على بالك من شيل وعبي ومواعيني وجزمات تكرمون ومكياج بالجمله ,,

هذا ممايحضرني وسامحوني على التقصير