المشاركة الأصلية كتبت بواسطة فتى نجد

حياك اخوي هزاف ... وعلى فكره اليوكين اللي بالصوره للبيع امززززززح .

هزاف , حسب ما فهمت من كلامك انك من اهل تبوك , لكنك موظف في الطائف وراتبك 1600 ريال , هل فهمي صحيح ؟؟
إذا كان فهمي صحيح , فأنت ترتكب جريمة بحق نفسك إي والله جريمة , أجل تارك اهلك من شمال المملكة ورايح لغرب المملكة ومتغرب ومبهذل عمرك عشان 1600 ريال يا خي ليييييييييييييييييــش ؟ راجع حساباتك من اول وجديد قبل ما يمشي عمرك وعض اصابعك ندامه .

اخوي هزاف , السفر للتجارة في الخارج ما يحتاج أي خبرة نهائياً لالالالا تستغرب , والله ما يحتاج أي خبره نهائياً , ولكن يحتاج ما يلي :

ــ شاب أعزب .
ــ شاب يتصف بالنباهه ومخه مفتح .
ــ شاب غير عجول وعاااااااااااااااااااااااااااااقل ( يعني ماهب راعي خمبقه و دنفسه ) طبعاً فاهمين قصدي ياشباب .
ــ الززززززززززززبدة ( شاب ملكع ويكون صـــوفـــي ) طبعاً الشباب فاهمين وشو صوفي ..صح ؟

راس المال :
بالكثير 20 الف ريال وخل باقي المبلغ في حسابك بالبنك .

طريقة العمل :
باختصااااااااااااار , انت شغلك ماراح تشتري بضائع وتبيعها في السعودية لأ انت بتكون وسيط لصغار التجار في السعودية .. بتقول كيف ؟ انا اقولك : انت مهمتك انك تبحث عن البضائع المطلوبه في السعودية وخصوصاً المنتجات الجديدة في الصين وتتعامل مع صغار التجار في السعودية ( رجال + نساء ) مثلاً تجار النت , اللي يبيعون بضايعهم في النت مثل ملابس واكسسوارات واكسسوارات جوالات ولاب توبات واجهزه متنوعه و ..... و...... و ..... أشياء كثيره جدا جدا جدا ما تحضرني الأن , يعني انت ما تتورط بشراء بضاعه ابداً ويكون شرائك على حسب الطلب , يعني تبيع قبل ما تشتري وصلت ؟

المكاسب المتوقعه :
انت تدري ان صغار التجار والتاجرات اللي يجيبون بضايعهم من الصين ويسوقونها في المواقع على النت كيف يجيبونها ؟ اكثر من 80 % منهم عن طريق وسطاء !!! تدري وش الوسطاء هذولا !!! هذولا عرب مقيمين في الصين ( سودانيين - مصريين - فلسطينيين - سوريين - عراقيين - يمنى ) وعارف كم ياخذون ارباح على صغار التجار ؟ اكثر من 40% بالراااااااااااحه بعد طيب ليييييييييييش ؟ لأن التجار الصغار ما يدرون كم السعر الحقيقي للمنتج اللي بيستوردونه , يعني الوسيط ممكن يشتري المنتج بالجمله بسعر 10 ريال ويحسبه على التاجر بالسعودية بمبلغ 15 ريال وعلى هالحاله .

طبعاً انا عطيتك ملخص , وانت فكر بالموضوع زين واستخر ربك واذا نويت , وقتها ممكن افصلك الموضوع بالتفصيل الممل لين تدوخ .

وموفق بإذن الله ,,,