هزني لك شوق قلبي باندفاع = وجابني غصب على قلبي اسير
جيت ابين لك غرامي و الضياع = ما قدرت اصبر ترى حالي خطير
لا تفارقني ولا تطري الوداع = خلك بجنبي تراك اغلى عشير
خذني معك يوم فليت الشراع = وش حياة العين بليا نظير
وش تكون الشمس بليا شعاع=القمر يعتم ترا ما عاد ينير
لو طلبت الروح من دونك تباع=عد روحي في يدينك والمصير
هنت نفسي لك وقدري منك ضاع=وادري اني في نظر عينك صغير
دام هذا الحب امرك لي مطاع=منيتي بالناس لي وحدي تصير
ليه شوق القلب من يمك يلاع=وعز نفسي دون هالعالم كبير