اقتباس:
طيب هل هم يجبرونك أو أنت على كيفك تبي أو لا وياليت تقولي ذولي الضباط هل يدربون أو كيف ولية الطلاب يكرهونهم 
|
حلمي جندي
أولاً منور الموضوع بطلتك وردك البطل يا بطل
ثانياً يا حبيبي فيه مدربين يجبرون الطلاب وفيه مدربين يخيرون وفيه طلاب وراعين يطردون ورى المدربين عشان يجون ظباط صف
طبعا ظابط الصف مكروف على وجهه اقوى من الطالب بس مايتجازى جزاء جماعي واذا كان ورع ويعلم على اخوياه في كل شي مايتجازى بعد جزاء فردي
لكن شغلته يرفع التكميل للمدرب
واذا كان المدرب مو فيه هو المسؤول عن الفصيل معاه ورقه وقلم
ويسجل اسماء الطلاب الي مايطبقون ولا يتكلمون ولا يتحركون
يعني مثل العريف في المدرسه
يكرهونه الطلاب لأنه يعلم عليهم ويجازيهم
طبعا ظابط الصف له الصلاحيات يجازي الطلاب
انا حطني المدرب غصب عني ظابط صف
وخليت الفصيل عندي يفل وينبسطون وياخذون رآحتهم أخر شي
كسبت المحبه والأخوه وهذا هو المطلوب
لكن فيه ظباط صف والله يجي يوم لهم تشوفهم غرقانين في الدم من الضرب اللي بيجيهم .
ونصيحتي اذا قالك مدرب انت ظابط صف خل الفصيل يخرب مثل مايبون وقول مااقدر عليها
بيقولون انت ورع يعني ماتقدر تضبط فصيلك قول ايه ورع .
اتمنى اكون وفيت في الجواب ...}
اقتباس:
|
اقول اخوي كم عدد الطلاب اعمال المرور بالرياض؟
|
عدد طلاب اعمال المرور عندنا في سريتنا حوالي 840 او ازود شوي .
...........................................
حلمي جندي :: حبيبي هدي نفسك كلن يرد على هواهـ انا يوم كتبت الموضوع وتعبت ادري بتجي ردود عاديه وردود مثل ردك بطل يعني الموضوع مايسوى تصيرر مشكله عشانه عادي خلك انت الأفضل .
خريج ثانوي مستجد :: لو سمحت اخوي الرجال نصحك ماغلط عليك والنصيحه ببلاش لكن ماتصل للغلط على الاشناب وعندك شنب ولا ماعندك ترى الشنب مو مرجله وعمر الشعر ماكان رجوله خلك حبيب وتقبل النصيحه وبعدين ترى بجد الموضوع تعبان عليه كتابه وتجميع معلومات وفي الاخير لبى الدفاع المدني اش جاب ردك ل موضوعنا الله يهديك يا صاحبي .
ولو سمحتوا اذا بتردون على بعض بزياده بكلم الاداره تشوف حل ماني ناقص مشكله في موضوع مفتوح للاستفسارات والكلام الزين .