ياشباب اعتبرو موضوع الـــــــــــ 120 ضابط الي ذهبو للبريه دعابه

اشوف الشباب بدا الخوف يدخلهم صاحين انتم ولا مجنن فيه احد حصله وضيفه هاليومين ورفضها وبعدين انت ضابط في بريه ولا بحريه <<< الحين تطلع الفزعه والحميه ويقولون وش قصدك يوم قلت بحريه هههههههههههه


ياجماعة الخير يالاجين الخير توكلو على الله ووسعو صدوركم ولا ابي اسمع استقالات لاني لو سمعت ان فيه احد قدم استقاله ليلتكم مطينه بستين طينه <<< تعال ياخوي اشوفك انشحطت لايكون علقت الرتبه وجالس تأمر وتنهي ومافي احد عاجبك

والله ياشباب اني ابغالكم الخير واعتبروني اخوكم الكبير ويحز في خاطري ويتلعثم الكلام في فمي ويتطاير شعري اذا سمعت احد يقول القطاع الفلاني مش ولا بد ومدري ايش لالالا هذا الكلام ماينفع وين كلامكم في المقابله الشخصيه ومقولتنا الشهيره ( المكان الي ترغب الوزاره في ان اشغله انا مستعد لتلبية النداء واداء الواجب ) كله كلام ذهب ادراجا مع الرياح

اتمنى اني اسمع عنكم كلام طيب وان تتغير نظراتكم بروح اصلح شاي وراجع

الا ياجماعة الخير تخيلو ارض جو يروح في البريه لا وشاد القايش وكل شهرين يوسع القايش من ضرب المفطحات يالله مابي اسرح بالخيال كثير واسمع اني رحت البريه