أهلين هلا والله ، انا قبل شوي جاي من المقابله .. طلعت تروشت ونزلت في الإستقبال ومن حسن الحظ فيه نت وفيه أجهزة



المهم .. ببدأ من طقطق لـ" سلام عليكوم .!

أول شئ خلونا عند البوابه الى الساعه 6 ونص ودخلنا على المسجد وحضرونا ، وبعدين خلونا نصف أربع صفوف .. ومشينا على الحوش واحنا نضحك على تمارين العسكر اللي كانو في الحوش يتمرنون ( يهرولو ويقولو قصايد هههههههههههههههههه حسيت ان ضابط الصف { خلف بن هذال } )


المهم ، رحنا وبعدين وزعو علينا اربع اوراق نعبيها واللي يعبيها يروح عند الرائد .. الرائد يقولك روح خذ لك لفه على الحوش طبعا المسافه ماتجي كلها 150 متر [ سهالات ] ولما تجي عنده يقولك انبطح وسوي " بشم " يانها تضحكني هالكلمه .. وتسوي خمسه ولا سبعه ولا اثنين ولا ماتسوي اصلا كذا ولا كذا يكون يكلم جوال ولا يضحك مع العسكر بس يعني كـ شئ اساسي ولازم منه يعني مايدري كم تسوي بالضبط .. بعدين تسوي تمارين بطن انا سويت 10 احم احم ..

المهم بعد ماتخلص يقولك خلاص ارجع المسجد وترجع تجلس الين يكتمل العدد من اللي بعدك يسوو اختبار اللياقه بعدين يطلعونا فوق وكل تخصص له صف معين يوزعون عليكم اسئله تخصص ( 10 اسئله اختيارات تعتبر عامه في التخصص ) يعني اشياء بدائيه جدا جدا ، ويمك ربع ساعه ويسحبو الأوراق لـ سهوله الأسئله

@ وبعدها يجي اختبار العنقليزي طبعا صراحه اختبار صعب والله عباره عن اربعين فقره تعتمد على الفوكاب بشكل كبير جدا .. والقواعد الأساسيه وبعض من الأسئله الصعبه .. المهم واذا خلصت تترك الورقه على الطاولة وتدربي راسك على بيتكم او شقتك .. النتائج قالو لنا بكره الصباح الساعه 10 تطلع


طبعا الرائد رشيد يقول ان الدفعه اللي امس كانو حوالي 150 طالب ما انقبل الا 10 طلاب . هذا الشئ يعتبر مخيف من ناحيه صعوبه القبول ، ومفرح من ناحيه وجود فرص القبول أكبر في دفعه يوم الأربعاء < احس اني اتفلسف من الطفش


المهم ان شاء الله اكون اعطيتكم البروسز كااااااااااااااااااااامل ، وأي سؤال حاظرين .. يالله بطلع انام ضربتني الشمس الين طفشت


فمان الله ~