السلام عليكم ورحمة الله ,,,,
أخواني اخواتي اعضاء منتدى البطاله الاعزاء ارجو منكم التكرم بمساعدتي <<<والله فيني صيحه ,,,
اول مره أطلب منكم شي ومنتم مقصرين ان شاء الله ,,
مشكلتي عويصه انا في فترة تجريبيه لعمل هالاسبوع اللي قرب يخلص
وحاطه كل حماسي فالعمل ومطنشه العالم ,,فجأة 
اتصلو علي المعهد وقالو لي ان عندي اختبارالحاسب يوم
الاربعاء في المؤسسه <<وأنا ناقصه 
المهم المشكله ان المعهد الصباح ادق عليهم مايردون والعصر في عملي ماقدر اروح
وادق عليهم ويامشغول او محد يرد والله أحس بيطلع في راسي نخل 
المهم قالت لي السكرتيره فيه مراجعه مدت اسبوعين مراجعه فالمعهد ,,,
الاسبوع الماضي ماكنت موجوده فالرياض,,,
والاسبوع هذا ماقدرت لأن السبت بديت فترة التجربه وفيه ناس احتياط اخاف يطنشوني من
اولها وماقدرت اروح للمعهد ابي اثبت لخلق الله اني قد الوظيفه<<< يارب سترك
وانا الحمدلله عندي تقديري فالمعهد ممتاز الطباعه والبرامج كل شي اوكي جيت قبل شوي ابي اراجع البرامج
احس كل شي تبخر دالة أف وشلتها وربي ماني قادره استوعب بالله في شهر كل شي بح احترت اليوم لأن حسيت اني رحت فيها ,,قلت اروح للمعهد او اداوم وربي انهبلت 
,,مدري وش اللي افضله واحد مستقبل ووظيفة والثانيه دراسة 6شهور وتعب ومصاريف طنشت المعهد ومراجعته ,,
لكن المشكله الاعوص من هيك اني مادري وين موقع المؤسسة ولا ادري الساعه كم يبدا اختباري وكل صديقاتي نفس الشي وبعضهم اجل اختباره ماندري وش الطبخه حسبي الله ونعم الوكيل ع اخر شي طنشونا والله قبل وش زينهم معنا 
ووالله محتاره واستسلمت للامر الواقع احس ضرب دماغي ,,قلت لمديرتي فالعمل ان عندي اختبار يوم الاربعاء قالت من اولها تقولها
وهي تضحك اشوى انا خفت تمسكني الباب
قالت ارد لك بكره ومدري والله طار النوم مع اني ميته تعب وارهاق وخايفه مدري وش تقول بكره لأنها تقول الآن ضغط عمل وعلى كذا احتمال اجل ماتكملين معنا واااااااااااااا
المهم طولتها وهي قصيره من اللي بيساعدني عن البحث عن هالمؤسسه هذي ابي وصف لها كروكي اي شي وهو صدق فيه اكثر من فرع ,,,
واذا اي احد عنده خبره فالمؤسسه الله يجزاه خير لا تبخلون علي بشي دورة ادخال بيانات ومعالجة نصوص 6شهور وبعده بأختبر بإذن الله رخصة دوليه اختبار بدون دراسه لكن اهم شي ابي عن ادخال البيانات هي اللي تهمني بعد بكره ’’
ويارب يردون هالعلل علي ويريحوني ع الاقل اقدر استوعب البرامج واتذكر شي
طالبتكم وماطلبت رخوم افزعو لي تكفون مالي الا الله ثم انتم ياربعي ,,
المنطقة الرياض علشان ماحوسكم معي
واللي عنده رد ياليت يرد الآن لأن عندي النت فيه مشكله فالشبكه اخاف بكره ماتمسك <<ناقصتها بعد هي الثانيه
والله ماراح انساكم من دعواتي بظهر الغيب وتذكرو من فرج عن مسلم كربه ,,,