المشاركة الأصلية كتبت بواسطة الفراغ مفسدة

يا أخوان أنا بقولكم سالفتي وأنتم حلوها بالله و راح تعرفون حجم الفساد المستشري في وزارة الخدعه

أعلنت الوزارة عن طلب التقديم لحملة مادون الجامعة ( الدبلومات )

توكلت على الله وقدمت كان فيه سؤال في موقع الجامعة أثناء التقديم وهو :

شهادة الدبلوم هل هي سنة أو سنتين ؟؟

أنا حطيت سنة و كملت باقي البيانات و طلع لي رقم الطلب و حفظته عندي

بعدين ولله الحمد طلع رقمي مع المفاضله اللي كان عددهم 13 الف تقريباً

رحت في أول يوم من التقديم ( من زود الحرص ) و عطيتهم شهادت الدبلوم وطابقوا البيانات

وعطوني ورقه وعبيتها وقال الموظف أنتظر لين تطلع النتائج بعد فتره .

مرة الأيام و الشهور وكلمت رجال أعرفه في الوزارة وقال أوراقك عندي وكل شيء تمام التمام

وبيطلع أسمك إن شاء الله مع الدفعه القادمة ، أستبشرت خير و دعيت لهذا الرجل وأنتظرت نزول الدفعه الأولى ممن طابقوا بيناتهم .

كلمت الرجال مره ثانيه وقال بتنزل دفعه قريباً في تاريخ كذا وحدد وقت التاريخ و أنتظرت هذا التاريخ .

نزلت الدفعه الأولى في هذا التاريخ ولكن لم يظهر أسمي معهم كلمت الرجال قال أبكلم واحد وأستفسر منه ليش ماطلع أسمك معهم .

كلم الرجال و أتصل علي وقال لي كلام كارثة كلام صدمه بالنسبه لي كلام كاد أن يصرعني من شدة قسوته وغرابته

قال بهذا اللفض : أصلاً أسمك مستبعد وماقدمت معهم !!

قلت : وشو !! وش تقول الله يهديك !!

قال : الشهادة اللي معك ليست دبلوم ومن هذا الكلام .

قلت : أولاً أنا مسجل في بياناتي أن معي دبلوم سنه واحده وليست سنتين

ثانياً : ألأوراق كانت معك من فتره طويلة ليش ماقلت لي في أولها أن شهادتك غير مقبوله !!

ليش أثناء المطابقة الموظف طالع شهادتي وخذها ولا قال شيء !!

ليش ليست مقبولة وهي معترف بأنها دبلوم !!

ليش يرشحوني من ضمن 13 الف واحد إذا كانت شهادتي غير مقبوله !!!

و الرجال الظاهر قام يصرف ويقول الموضوع أكيد فيه لبس من طرف الوزارة مو منك ومن هالكلام وأبراجع الموضوع ومن هالكلام .

بصراحه بعدها أنغلقت الأبواب في وجهي

بالله وش رايكم في هذا اللي حصل ؟

اسمي طلع مع المفاضله 13 الف واحد و أروح و أقدم أوراقي ويطابقون البيانات وكل شيء تمام ثم يصير كذا !!

شيء يثبت أن الخدعه المدنيه قد أستشرى فيها الفساد بشكل لا يمكن تصوره .

وحسبنا الله ونعم الوكيل