اقتباس: المشاركة الأصلية كتبت بواسطة سفينة الأحلام صدقت حتى أنا جاتني نفس رسالتك من (SMS-estate) نص الرسالة : (سكن الطلاب بالكلية يعلن عن توفر غرف مفردة ومزدوجة بخدمات كاملة للحجز والإستفسار جوال : 0542617447) اللي فهمته أن السكن سيكون : بكلية الإتصالات (سكن الكلية) بحي النزلة اليمانية بداية شارع التلفزيون بجنوب جدة والدراسة ستكون : بالمعهد المهني الصناعي بجدة بحي الفيصلية شمال شرق كبري المربع بشمال جدة يعني مشوار بينهم يمكن ياخذ معاك ساعة لو الخط زحمة أخواني الكلية هذي كنت أدرس فيها ، وعندي شوية معلومات راح أفيدكم فيها (المعلومات هذي من عام 1429 هـ تاريخ تخرجي ، إحتمال فيه أشياء كثيرة تغيرت ، لا تعتمدو عليها) : نبدأ بالسكن داخل الكلية ، الغرف مساحتها 3 في 4 أو 3 في 5 ما أتذكر بالضبط ، كل غرفة يوجد بها 2 سرير ومكيف وشباك بس ، دورات مياة مشتركة ، غير نظيفة بسبب الروائح الكريهة والإهمال في النظافة ، أسفل في الدور الأرضي فيه بوفيه ومقهى نت في نفس السكن ، نجي للسعر غرفة مشتركة بسريرين كل واحد يدفع 250 شهريا ، ولو بغيت غرفة لحالك تدفع 500 شهريا ، بمعنى أن سعر الغرفة 500 ، إما تاخذ الغرفة لحالك وأنته تدفع إيجارها كامل ، أو تدخل خويك معاك وكل واحد يدفع 250 طبعا شهريا مثل ما قلتلكم أن المعلومات هذي قبل أكثر من 3 سنين ، وإحتمال فيه أشياء تغيرت بالتوفيق للجميع انا اتصلت عليهم قالي ان الغرفة بدون ثلاجة وبدون تلفزيون بـــ600 ريال وبثلاجة وتلفزيون بــ700 بس والله مشوار عن المعهد (: ولا اعتقد مع زحمة الصباح بتاخذ ساعة اتوقع ساعتين بالقليل .