السلام عليكم ورحمة الله وبركاته بعد ماشفنا مهازل وزارة الصحة وان معد فيه توظيف لدبلوم وبدون ان يجدوا لنا اي حل بديل سوا جمله بنظرهم بسيطه أكمل تعليمك ! \ جا على بالي اكمل تعليمي ولقيت فرصه بكلية الغد الصحية برياض قلت اروح استفسر لعلها تكون حل وتشفع لي بعد التخرج توظفني الوزارة الا موقره ولا مسؤله وزارة الكحه عفوا الصحه رحت لهم صباح امس ووصلت لهم بعد عناء بحث وسؤال طلعت الكلية مبناها يبدو كان مبنى خاص وقصر سكني بالاحرى لأحد ابناء الطبقه المخمليه دخلت للمبنى واستفسرت وشرحت له ان مؤهلي دبلوم ادارة صحية رد علي ان مدة الدراسه عشان احصل على البكلريوس 7 اترام !!! اول ترم تحضيري وبعده اربعة اترام تخصص وبنهايه ترمين إمتياز(تطبيق) بواقع ثلاث سنوات ونصف قلت ماشي مي مشكله الله يعين عليكم كم رسوم إكمال تعليمي ؟ 117500 ريال+5000 رسوم تسجيل ! الرقم كتابة مائة وسبعة عشرا الفاً وخمسمئة ريال فقط سكت اخذت اوراقي ومشيت رجعت للبيت قابلت الوالد قلت له على الرسوم قال لو اوديك وحده من دول الاتحاد السوفيتي السابق بالمبلغ هذا ترجع لي طبيب اجلس عند امك بس ما يستفاد من الموضوع : لحد يتعنى ويروح لكلية الغد وينصدم بالمبالغ الخياليه وزارة الصحة والخدمه المدنية والتعليم العالي لم يوجدو لنا حل حتى الان (ماعدا ابتعاث داخلي ملئ بشروط والتعقيد ومحدود العدد) + ابي اعرف هل التسجيل عندهم وعشان ياخذون ملفي ويرمونه بشئون الطلاب يستحق ان ادفع لهم 5000 ريال ! يعني مو كافي عليكم 117 اللف ؟