شكــرا لمرورك اخواني ولكن اللي مستغرب منه ليه يسوون كذا وهم شركة حكوميه !! اللي اعرفه ان الشركات الحكوميه توظف على طول بس حسافه اذا كانت كذا المعامله وأنشالله ياشباب بنحط حمله عليهم اذا ارسلو لنا رساله بشوف اللي معي يختبرون وبقول لهم بنصبر شهر اذا ماصار شي ولا ردو علينا بنتجمع ونشكيهم واتمنى وقفتكم معانا ياشباب عشان نشكيهم هالواسطات ماينسكت عنها حرام وظلم هناك اخوان يتعنون سفر ومشقه عليهم ومخاطر وهم بارده مبرده جالسين على الكراسي ورجل على رجل ولا هامهم الا يتصلون على قرايبهم ويدخلونهم وحنا جالسين نتعب ونشقي عمرنا عليهم وانا كنت اشتغل بشركة خاصه وفاهم الوضع تدرون ليه يعلنون على وظائف ؟ كذا بس قدام الحكومه يعني شوفو ترانا مانظلم احد ويخلون اقرابهم يقدمون من نفس الموقع وياخذون ارقام طلباتهم ويرسلون لهم والناس الثانيه كيفها مال احد فيها شغل


أرجوكم ياشباب لاتسكتون ملينا وحنا ساكتين شوفو الدول اللي من حولنا دول الخليج شلون حال مواطنينهم وحنا شلون حالنا نبي نتكلم واللي فيها فيها ملينا يذلونا على 4000 ريال وللعلم بس انا اعرف واحد بالكويت صغير بالسن تخيلو ياشباب

كنت اجيب له تكرمون الحفايظ وامس جاله ولد يعني توظف وكون اسره وحنا ضايعين تكفون لاتسكتون اذاماقدرتو بالصوت اكتبو وماعليكم من احد دامنا على حق حنا اثرى دولة بالعالم والميزانيه دايما فووق فووق وحنا تحت تحت وش معناته ؟ لازم نتكلم ونقول اللي بقلوبنا وانا بعد ماقصرت ادري بكلامي هذا بردت قلوب ناس كثيره تقبلو مروري