اقتباس:
المشاركة الأصلية كتبت بواسطة العود الاصفر
قصيدة الشاعر خالد رافع،
إلى روح الطفل عبدالمجيد:
(1)
عبدالمجيد الموت فيه السلامه
من شرّ ناسٍ همّها الملح والزاد
في جنّة الفردوس مثل اليمامه
تشفع لأبوك اللي به الهمّ وقـّاد
(2)
عبدالمجيد ان صار يوم القيامه
إسأل وزير الطيب وش حال الاولاد؟
وإسأل لو انـّك واحدٍ من عظامه
تقدر تعالج؟.. لو على غير ميعاد!
قله.. وزير اليوم مثلي مقامه
والحقّ نبغى الحقّ قدّام الاشهاد
قل للوزير: اشلون يهنى منامه
بعدك.. أبي وشلون يطري له ارقاد
باقي سؤال اولى بكل اهتمامه
كم من مجيد اللي بقوا يا ابن الاجواد؟؟
اعجبني رد احد المواطنين
7
7
غريب علاج مواطن على حساب الدوله يحتاج تدخل الملك ا جل وزارة الصحة وش هي له . علاج المواطن مجانا واجب على الدوله وش هي له المستشفيات المتطورة . جالسين يفصلون لنا توايم الفلبين والمغرب وعيالنا يموتون ما يلقون علاج فقط المسئولين وعلى راسهم الوزير شاطرين بالظهور في الاعلام حن سوينا حن فعلنا . المملكة متقدمه في المجال الطبي ومن اوائل الدول ومن ها الخرط الى ماله اخر المواطن يموت ما يلقى له سرير
|
القصيده في الصميم ... بيض الله وجه شاعرهاااااا
والمواطن اللي رد ... أنشهد إن كلامه عين الصواب وبمحله
يالله هذا حنااااا يالشـ ع ـب التعوسي (( خيرنا لغيرنا )) .. 
ومشكووووووووور على الطرح 