انا قدمت على مستشفى الحرس الوطني في جده مدينة الملك عبدالعزيز قبل الصيف تقريبا واخذت موعد اختبار وما عديت فيه واخذت موعد اختبار ثاني من نفس الوقت وفعلا اختبرت وعديت .. طبعا قدمت بشهادة ثانوي لاني مو مكمل جامعه " لغه انجليزيه " وزي ما صار مع اللي قبلي وعدوني بإتصال بعد عيد الفطر للمقابله الشخصيه ولكن ما عبروني ولا حتى بـ كول مي بالغلط هذا والهرجه كلها داخل فيها واسطه وشايب كمان قديم في المستشفى يعني صاحب خبره في مجال الواسطات رحت وانتظرت رمضنت مع اهلي وعيدت وعدت لهم مكشر عن انيابي اسالهم عن موعد المقابله دخلت قسم التوظيف عند واحد اسمه اعتقد سامي با شراحيل قالي حاليا مااااااافي توظيف ابداا موقف كله طيب ليه ؟؟؟ قال راح يبدأ تقريبا بعد عيد الاضحى وراح يكون ابتداءاً من خريجي الجامعات وانت نازل والدرجات الاعلى فالاعلى المهم خرجت من عنده ورحت لواحد في مكتب ثاني مو بعيد عنه كمان رئيس قسم مدري ايش طبعا انا مزبط وضعي معاه من موعد الاخبتار الاول اللي ما عديت فيه مع اني ما اعرفه لكن طلع ابن حلال وطقيناها سوالف اكثر من نص ساعه رجعت له وسالته اش الحل قالولي كذا كذا في التوظيف قال فعلا انتظر الله يعينك بقولك معلومه حطها في بالك تمام (( الوظايف هنا ممتازه جدا من كل النواحي خصوصا الرواتب , وتأكد ان اي ملف يقبلونه قبول مبدأي ويكون موجود عندهم راح يتصلون عليه مافيها كلام ثق ثقه تامه ان شاء الله .. لكن ممكن بعد اسبوع ممكن بعد شهر ممكن بعد سته اشهر ممكن بعد سنه ما تدري على حسب وكمان لا تنسى انه لازال العمل جاري عشان يبنون مباني جديده واكيد راح يكون فيها اقسام جديده ومكاتب وراح يكون فيه احتياج ولابد يوظفون موظفين جدد يشغلون الاماكن هذي لكن روح اغل وقتك بوظيفه او دوره ولما يتصلون عليك تعال على طول )) يعني بالعربي اللي يرمي اوراقه عندهم ويختبر ويعدي ويقولون انتظر اتصال مقابله شخصيه يعطيهم ظهره وينسى بقوه انه قدم عليهم لين يتصلون عليه ويروح عشان ما يبقى عايش في وسواس سؤال عالسريع يا اخ زيزفوني انا ثانويه وعديت الاختبار بدرجة ( 28 % ) كم تتوقع راتبي بدون البدلات ؟؟ <<< الله من الشهاده اسف عالاطاله ولكن لمجرد التوضيح