السلام عليكم ورحمة الله وبركاته


انا عضوه جديده بالمنتدى حابه افضفضلكم لاني بجد متضايقه يمكن تحسو المشكله عاديه بس قسم باالله اني ادعي ربي يساعدني دايم بحلها وانتم اخوات لي وساعدوني


انا انسانه متزوجه وحامل اكبر وحده من اخواني والدي كان عسكري وكنا عايشين بالرياض ومبسوطين والله مانعرف لامشاكل ولاقلوب حقوده كان راتب والدي ميسور بس عمره ماقصر معنا لكن امي كانت ام غير والله العظيم يابنات عمري ماشفت ام تصبر وتضحي زيها طبعآ والدي يدخن بشراهه وننصحه مايسمع ابد ويعصب علينا المهم عشنا بالرياض لين تقاعد وكنا نبي نجلس بالرياض قلنا لبوي توظف بشركه ونستاجر لاننا من الجنوب وهناك ماعندنا ممتلكات
المهم عمي دق علينا وقال بااسويلك صندقه هناك بس تعال لاتقعد ورحنا وكانت جدتي ام ابوي فرحانه المهم وقدر الله وجتها جلطه افقدت وعيها وهي كبيرة سن وعمي كان مسجل الصندقه بااسمها ووداها بالنقاهه لازم هناك عنايه عمي معيش عياله ببيت حلو وهنا بدت المشاكل
خالتي اخت امي بدت تتمشكل هي وبناتها ويعايرونا لان بيتنا ببر وحالتنا تغيرت ابوي راتبه 1700 ولايغطي وعمي همه اسرته وعياله والله العظيم ماتوقعت قلبه كذا تغير مررررره
امي صارت تبيع الذهب الي معاها عشان تلبسني احسن لبس لما دخلت الكليه وابوي فلوسه على الدخان وعصبي مايخلينا مصروف ااااااااااه تغير ابوي مره
وامي صابره
عمي جانا مره يهددنا يقول هذا البيت مالكم فيه شي
يابنات هناك القريه الي اهلي فيها منتشره عندهم الحبوب ومدارس العيال قلة ادب امي خايفه على اخواني واحد ترك الدراسه واثنين يدرسو ومنهم يدخن اهلي حالتهم الماديه كل مالها تسوء مافي جمعيات خيريه الا وحده صغيره وامكانياتها محدوده مو زي جمعيات الرياض والمدن الكبار
الوظايف هناك معدومه
ياالله يابنات انا عايشه بمدينه بالشرقيه وكل مااروح مكان اتمشى او افتح الثلاجه اتذكر اهلي تخنقني الدمعه
ميمتي وش تاكل اخواني راحو بدون فسحه والا معهم
ابوي لقى وظيفه او لا
اخواني لاتخرجو بيدجون بهذي القريه
خالتي وبنات عمي كل يوم مشاكل وحقد ياالله قلوبهم قاسيه عمي يركض والله نفسه وبس
قلت بااكلم داعيه مشهور واقوله عن كل شي يساعد اهلي ويساعد ابوي على اقلاع عن التدخين واخوي ويشوف واحد من اهل الخير او يقدم لااهلي على امير يجيهم بيت بمدينه بالرياض او غيرها بس يبتعدو عن هالقريه الي كلها دجه ومشاكل عشان الاراضي وشباب ياكلو حبوب
وعطيته اسامي ابوي واخواني واول مره قال يصير خير
بعدها بفتره قالي كلامك متناقض وحسيته جرحني يقول لاتفكري الا بنفسك
ليش طيب ابوي وامي ربوني وانا الحين متزوجه انساهم يعني
ضحو عشاني تسلفو الفلوس قبل زواجي عشان محد يضحك ويقول اهلها قصرو معاها
امي كلمتني وقالت وانا امك والله شيب راسي من التفكير ودي نتوظف وابوك يترك الدخان نتوظف لو بمدرسه اهليه ونروح عن هالقريه واخوانك مصيرهم يتخرجو نبي نكون ببيت واحد ويكون لاخوانك غرف ودواليب يحطو ملابسهم فيها
المطر اغرقنا لما جاء المطر
ياقلبي عنها


انا وزوجي على قد حالنا يادوب الراتب يغطي الايجار والاقساط
تكفون شورو علي احد يعرف احد يوظف اهلي ويريحني والله اني ادعي ربي دايم واملي به كبير
واعرف ان الناس فيهم خير
ويشهد علي ربي ان كل كلمه صادقه فيها


انا بااسافرلهم بعد شهر
ابي اجي واقول يميمتي لقيتلكم وظيفه انتي وابوي والناس ماقصرت
وابوي واخواني هناك بااقلهم يروحو يتعالجو من التدخين

يشهد علي ربي يااخواني كل كلمه كتبتها صادقه فيها وحالة اهلي يرثى لها