وعليكم السلام ورحمة الله وبركاته
هلا وغلا اخوي

اولا الله يعينك ويوفقك يارب

بالنسبه للمؤسسه ادخل ها الموضوع وبتلقى كل الخطوات من فتح السجل الين اخر خطوه لاكمال الاجرائات الرسميه

https://www.btalah.com/t189190.html
بالنسبه للفسوحات افادك فيها اخوي جبل شلمان انت مالك اي علاقه فيها صاحب المنشأه المراد بناها هو الملزوم بها انت اللي عليك انك تطلبها منه عشان اذا جاتك البلديه وقت البناء او غيرها يكون شغلك تمام

والعمال ياغالي اطلبهم في مجالك يعني بناء ولا حق بويه ولا حداد ولا نجار
وخللهم تحت ادارتك يكفي عمال مرميين في الشوارع الواحد منهم يدخل راتب وزير في الشهر
انت وانا اخوك اولا بها الفلوس

امما بالنسبه للبدء بالعمل وطريقة ادارته
والله وانا اخوك كلن وهواه

يعني انت على قولك حاليا عاطل وماعندك شي يشغلك يعني متفرغ لمؤسستك
اتعب عليها وحاول تدور لك مشاريع صغيره فلله عماره
واوقف انت على العمال خللك يوميا تطب عليهم في اوقات مختلفه عشان مايدرون متى بتجيهم وشوف الشغل كيف ماشي بنفسك

وبعدين مثل ماقال اخوي جبل انت ماراح يطلع لك فيز عمال تكفي لبناء اي شي
فحاول ان العمال اللي تجيبهم من وسط البلد باليوميه تكون جنسيتهم غير عمالك اللي مستقدمهم عشان لايخربونهم عليك

وهذا اللي عندي ياغالي لكن وانا اخوك (مايحك جلدك الا ظفرك ) رح انت بنفسك وشفلك اي عماره ولا فله تحت الانشاء واسئل واستفسر عن كل شي تبيه ومن نشد ماضاع

والله يوفقنا وياك ويرزقك من واسع نعيمه يارب

ودمت في حفظ الرحمن