أولا أيه صح أنا عنصر نسائي بس ما يمنع أني اطالب بحقي ولا لازم تكون المرأة مهضومة الحقوق . من جد سالفة سامجة هذي النقطة ..
أنا للعلم دافعه لابن الهيلا 60 ألف وقال الشاهد الله وأنا رضيت بالله , ولا تلوموني والله أنها اللي حيلتي .
ابن الهيلا وعدنا وعود ما صارت على أرض الواقع وهو لما تهرب منه صاحب المؤسسه ولا رد عليه حس بنفس إحساسنا تجاهه يعني إحنا ما غلطنا بحق ابن الهيلا ولو ما دخلت وسويت له نداء والله ما كان ناوي يدخل ويعلمنا .
ابن الهيلا وعدنا بأرباح شهريه ولا شفنا الا أرباح مره وحده بس 28 ريال للسهم , وعدنا بتقرير شهري ولا شفناه وعدنا بعقود خاصه فينا ولا شفناها . العقد معاك بس وباسمك ولو أختفيت فأنا من وين أجيبك ؟
ابن الهيلا أتوقع مساهمته ما دخلها في المؤسسه ودخل في مشروع ثاني عشان كذا مو حاس فينا .
ابن الهيلا للحين ما أرسل لي شي بخصوص وش راح يسوي عشان ترجع حقوقنا بالرغم أني المساهم الأكبر في هالمشروع .

أنا أنتظرك ترد علي وكذبني إذا تقدر .