السلام عليكم ورحمة الله

اعزائي ابي مشكورتكم وافكاركم معي الله يجزاكم خير..


انا مدرسة و الوالد رفض اكمل التدريس لبعد المسافة ومعي راس مال لا باس به..

ابي اتاجر في العطور والملابس النسائية الجاهزة اشتريها من البلد في جدة واكسب من وراها ....

وين المشكلة؟


انا مقدر ابيع ولا ادور على بيوت ولا يسمح وضعي استقبل ناس في بيتنا واقولهم عندنا بضاعة و تعالو اشتروا...


ودي في مندوبات اعطيهم البضاعة ايا كانت عطور او ملابس

يختارون الي يبونه بس الاهم انهم يبيعون اي شي ولهم نسبة ربح خمسة ريال على كل قطعة يبيعونها...

بس من وين اجيب مندوبات؟

صعب عن طريق النت... و في الحارة عندنا مافيه احد ...

التكرونيه قالت انا اجيب بضاعة من عند الجماعة ...

يعني مستحيل تفيدني وتفضلني على جماعتها .. لكن قالت اشوف نص من جماعة ونص منك ..




شوروا علي من وين ادبر مندوبات؟

وش الضمانات الي اخذها عليهم لو كانت المندوبه مو معرفة مني مره؟

وهل خمسة ريال مناسبة تكون نسبة للمندوبه على القطعة ؟


انتظر ارائكم وافكاركم بارك الله فيكم..