شوف إذا كنت حابب تشتغل بيدك فبقولك على عده شغلات بس فيها تعب وماتبي راس مال.

إنزل الشارع وشوف البلد اش محتاج من ايدي عاملة يعني انا رحت بسوي شهادة شكر مع بوكية ورد تخيل لقيت اللي يكتب ابو يمن مسنتر امام محلات الهدايا وعنده كمبيوتر معفن زي وجهه لا واللي يقهر مايعرف يسوي شئ من القهر خليتة يوخر وانا سويت شغلي بنفسي لا وبعد حصلت عنده مدرسة تبي شغلات وسويتها وأخذت رقم جوالي تبي تجيب لي زبائن بعد. هالشغلة مايبي لها إلا مخ يتعلم ع الكمبيوتر وتدور لك مكان وتجلس وبس.

طيب فية شغلة ثانية كان عندنا بنقالي سواق يوم كبر اخوي سار هو يودي الوالده قلت بسفره قالت الوالده لا خلة يسترزق حرام عنده أولاد المهم قلت لازم أستغلة وفي كل شغلة اودية حتى حصلت محل جولات للبيع وأحطه مع الرجال شهر كامل ويتعلم وبعدها إشتريت المحل وخليتة يجلس فية وتصدق له الآن ستة شهور والله يكسبني كويس لا وبعد يشتغل صيانه, المهم روح وتعلم الشغل بالجولات تراه زين والله المحل الصغير تقدر تفحة بـ 5000 ريال.

هذه شغلتين وياكثر الشغل اللي من هالنوع والله لو أجلس اكتب من هنا للصبح ما يخلص.

أعتذر ع الإطاله والله يوفقنا وياكم جميعاً...